បារាំងចុះកិច្ចព្រមព្រៀងជាមួយរូម៉ានី ដើម្បីជួយអ៊ុយក្រែននាំចេញទិន្នផលគ្រាប់ធុញ្ញជាតិ
បារាំងនិងរូម៉ានី នឹងចុះហត្ថលេខាលើកិច្ចព្រមព្រៀងមួយជាមួយគ្នា នៅថ្ងៃចន្ទ ទី១២កញ្ញានេះ ដើម្បីជួយសំរួល ដល់ការនាំចេញទិន្នផលគ្រាប់ធុញ្ញជាតិរបស់អ៊ុយក្រែន តាមផ្លូវគោក។ នេះបើផ្អែកតាមការបញ្ជាក់ ពីលោក ក្លេម៉ង់ បូន រដ្ឋមន្ត្រីក្រសួងដឹកជញ្ជូនបារាំង។ គ្រាប់ធុញ្ញជាតិទាំងនោះនឹងដឹកចេញពីអ៊ុយក្រែន ឆ្ពោះមកកាន់អឺរ៉ុប មុននឹងដឹកចេញទៅកាន់ប្រទេសកំពុងអភិវឌ្ឍន៍ នៅតំបន់ម៉េឌីទែរ៉ាណេ ដែលកំពុងត្រូវការស្បៀងអាហារជាចាំបាច់។
ចុះផ្សាយនៅថ្ងៃ៖ កែប្រែថ្ងៃទី៖
គួរកត់សំគាល់ថា កិច្ចព្រមព្រៀងរវាងបារាំង និងរូម៉ានី ដើម្បីនាំចេញទិន្នផលកសិកម្មរបស់អ៊ុយក្រែននេះ គឺវាជួនចំពេលដែល លោកពូទីនបានប្រកាសថា ចង់សើររើសកិច្ចព្រមព្រៀង ដែលរុស្ស៊ីបានចុះជាមួយអ៊ុយក្រែន ទាក់ទិននឹងការដឹកគ្រាប់ធុញ្ញជាតិចេញតាមច្រកសមុទ្រ។ លោកពូទីនអះអាងថា ទិន្នផលកសិកម្មរុស្ស៊ីនៅតែជាប់ទណ្ឌកម្មដដែល រីឯគ្រាប់ធុញ្ញជាតិអ៊ុយក្រែនវិញ ភាគច្រើនលើសលប់ ត្រូវបានដឹកចេញទៅតែអឺរ៉ុបទេ មិនបានយកទៅជួយប្រទេសក្រីក្រឡើយ។ ជាការលើកឡើង ដែលលោករដ្ឋមន្ត្រីក្រសួងដឹកជញ្ជូនបារាំង បានចាត់ទុកថា ជាការឃោសនាកុហករបស់លោកពូទីន។
សម្រស់ប្រសាសន៍របស់លោក ក្លេម៉ង់ បូន រដ្ឋមន្ត្រីក្រសួងដឹកជញ្ជូនបារាំង
តទៅនេះ សូមស្តាប់សម្រង់ប្រសាសន៍ របស់លោក ក្លេម៉ង់ បូន (Clément Beaune) រដ្ឋមន្ត្រីក្រសួងដឹកជញ្ជូនបារាំង ដែលបានផ្តល់បទសម្ភាសន៍ ឲ្យវិទ្យុបារាំង France Inter កាលពីល្ងាចថ្ងៃអាទិត្យ ទី១១កញ្ញា ដូចតទៅ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ