ព្រះរាជទស្សនកិច្ចជាប្រវត្តិសាស្ត្ររបស់ព្រះមហាក្សត្រិយានីអង់គ្លេសនៅអៀឡង់
ព្រះមហាក្សត្រិយានីElisabethទី២នឹងយាងទៅបំពេញទស្សនកិច្ចជា ផ្លូវការ នៅប្រទេសអៀរឡង់ នៅឆ្នាំនេះ -ស្របតាមព្រះបរមរាជវាំង Buckingham Palace ប្រកាសឱ្យដឹង នៅថ្ងៃសុក្រ៤មីនា។ព័ត៌មាននេះត្រូវបានបញ្ជាក់អះអាងដោយវិមាន ប្រធានាធិបតីអៀឡង់។ទស្សនកិច្ចជាផ្លូវការនេះត្រូវចាត់ទុកជា ប្រវត្តិសាស្ត្រ។គឺជាព្រះរាជទស្សនកិច្ចលើកទី១របស់ព្រះរាជា អង់គ្លេសមួយអង្គ ចាប់តាំងពីមួយសតវត្សមក។ប៉ុន្តែ នៅខណៈនេះ គេពុំទាន់ដឹងកាលបរិច្ឆេទនៃទស្សនកិច្ចនេះទេ។
ចុះផ្សាយនៅថ្ងៃ៖
សេចក្តីរាយការណ៍ របស់ Adrien Moss ពីទីក្រុងឡុងដ៍ ប្រែសម្រួលដោយ វីនស្តុន រតនា
ព្រះមហាក្សត្រិយានីElisabethទី២ដែលមានព្រះជន្មាយុ៨៦វស្សាបានយាងទៅកាន់គ្រប់ប្រទេសធំៗនៅលើពិភពលោក លើកលែងតែបីប្រទេសគឺអ៊ីស្រាអែល ក្រិកនិងអៀឡង់។គឺស្របតាមការអញ្ជើញយាងរបស់លោកស្រីប្រធានាធិបតីអៀឡង់ Mary Mac Aleese ដែលព្រះអង្គនឹងយាងទៅបំពេញទស្សនកិច្ចតាមផ្លូវរដ្ឋ នៅក្នុងប្រទេសជិតបំផុតនៃព្រះរាជាណាចក្ររបស់ព្រះអង្គ។ព្រះអង្គនឹងត្រូវអមដំណើរដោយព្រះស្វាមីគឺព្រះអង្គម្ចាស់Philip។
ព្រះមហាក្សត្រអង់គ្លេសចុងក្រោយដែលបានយាងទៅជាន់ដីប្រទេសអៀឡង់គឺព្រះអយ្យកោគឺថាជីតាព្រះនាមGeorgeទី៥ នៅឆ្នាំ១៩១១ កាលពីមួយសតវត្សមុន ដប់ឆ្នាំមុនការបែងចែកទឹកដីអៀឡង់ជាសាធារណរដ្ឋអៀឡង់និងខេត្តអង់គ្លេស អៀឡង់ខាងជើង។តាំងពីប៉ុន្មានខែមកហើយ មានសញ្ញាប្រកាសថា ទស្សនកិច្ចនេះនឹងកំណត់ការផ្សះផ្សាជានាគ្នា។
ព្រះអង្គម្ចាស់Charlesនិងព្រះជាយាCamillaបានទទួលការអញ្ជើញយាង កាលពី៤ខែមុនឱ្យទៅកាន់ស្ថានទូតអៀឡង់ប្រចាំនៅទីក្រុងLondres។ប្រទេសអង់គ្លេសបានឱ្យរដ្ឋាភិបាលDublinខ្ចីប្រាក់៣០០០លានlivres ដើម្បីស្តារសេដ្ឋកិច្ចអៀឡង់ឱ្យចេញផុតពីឩនភាពថវិកា។រីឯប្រធានក្រុមកីឡាលេងចោលបាល់មូលទ្រវែងrugbyអៀឡង់ Brian O’Driscollបានទទួលសំបុត្រអញ្ជើញឱ្យទៅចូលរួមក្នុងអាពាហ៍ពិពាហ៍របស់ព្រះអង្គម្ចាស់William។
គឺជាសញ្ញាមួយដែលមិនបោកប្រាស់ទេ។សំរាប់ព្រះមហាក្សត្រិយានីElisabeth ទី២គឺជាព្រះរាជដំណើរដ៏ខ្លីបំផុតមួយនៃការសោយរាជ្យ៥៩ឆ្នាំមកហើយរបស់ព្រះអង្គ។ប៉ុន្តែ ស្របតាមសារព័ត៌មានគឺជាព្រះរាជដំណើរដែលនឹងស្ថិតដក់ជាប់នៅក្នុងប្រវត្តិសាស្ត្រ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ