François Hollande៖ជប៉ុន-អឺរ៉ុបជាដៃគូសេដ្ឋកិច្ចដ៏សំខាន់
ទស្សនៈកិច្ចជាផ្លូវការរបស់លោក ប្រធានាធិបតីបារាំង François Hollande នៅប្រទេសជប៉ុន ត្រូវបានបញ្ចប់ ហើយកាលពី ថ្ងៃសៅរ៍ទី ៨មិថុនា ២០១៣។ ក្នុងរយៈពេលបីថ្ងៃ ប្រទេសទាំងពីរសម្រេច បានជាផ្លែផ្កា នៃសហប្រតិបត្តិការ បារាំង ជប៉ុន លើវិស័យធំៗមួយចំនួន ដូចជា សេដ្ឋកិច្ច និងផ្នែកនុយក្លេអ៊ែរ។
ចុះផ្សាយនៅថ្ងៃ៖
ស្តាប់ - ០១:៣៣
ចាប់តាំងពីពេលនេះទៅ វិបត្តិក្នុងបណ្តាប្រទេសចាយប្រាក់ អឺរ៉ូ ក៏ត្រូវបានបញ្ចប់។ ហើយបារាំងត្រូវការចាំបាច់ ប្រទេសជប៉ុនដើម្បី រួមដៃគ្នា អភិវឌ្ឍន៍វិស័យសេដ្ឋកិច្ច និងការបង្កើតថ្មីលើគ្រប់វិស័យ។ នេះបើតាមការអះអាងរបស់លោក François Hollande ទៅកាន់ដៃគូសហប្រតិបត្តិការរបស់ខ្លួន នៅទីក្រុង Tokyo។
កំឡុងពេលទស្សនកិច្ចខាងលើ ក្រុមហ៊ុនសំខាន់ៗរបស់បារាំង និងជប៉ុន បានជួបជុំគ្នាដើម្បីរកលទ្ធភាពមួយ ក្នុងការវិនិយោគរួម។ ក្រុមហ៊ុនធំៗ របស់ប្រទេសទាំងពីរនោះ មានដូចជា ក្រុមហ៊ុនផលិតរថយន្ត Renault និង Nissan។ ក្រុមហ៊ុន ផលិតថាមពល GDF Suez និង Areva ព្រមទាំងក្រុមហ៊ុន ផលិតគ្រឿងអេឡិចត្រូនិក Nikon ជាដើម។ សរុបមាន ប្រមាណជាង ៤០០ក្រុមហ៊ុន។
បន្ទាប់ពីទស្សនកិច្ចខាងលើ ប្រមុខរដ្ឋបារាំង បានសំដែងសុទិដ្ឋិនិយម ថា ប្រទេសទាំងពីរ នឹងអាចទៅមុខបានដោយរលូន។ បារាំងចង់មានការប្រកួតប្រជែងគ្នាក្នុងការអភិវឌ្ឍន៍ គ្រប់វិស័យ សំដៅ អភិវឌ្ឍន៍សេដ្ឋកិច្ចពិភពលោក។ លោកមិនបានព្រួយបារម្ភថា ប្រទេសណារីកចំរើនលឿនជាង ឬយឺតទេ។
សូមរម្លឹកផងដែរថា បារាំងជាប្រទេសវិនិយោគទុនធំ ទីបី នៅក្នុងប្រទេសជប៉ុន ដែលគិតជាទឹកប្រាក់ប្រមាណ ១៦ ពាន់លាន អឺរ៉ូ។ ចំណែក ជប៉ុនវិញជាប្រទេសអាស៊ីទី១ ដែល វិនិយោគច្រើនជាងគេ នៅប្រទេសបារាំង ដែលមានក្រុមហ៊ុនប្រមាណ៤៤០ និងបង្កើតការងារឲ្យមនុស្ស ជាង ៦៩ ០០០នាក់៕
ទន្ទឹមនឹងនេះ លោកប្រមុខរដ្ឋាភិបាលបារាំង បន្ថែមថាការអភិវឌ្ឍន៍ នៅសហភាពអឺរ៉ុប គឺត្រូវការចាប់ ដៃគូរនានាក្នុងតំបន់អាស៊ី។ ក្នុងន័យនេះលោក ចង់បញ្ជាក់ថាផងដែរថា បារាំងមិនអាចបំភ្លេច ប្រទេសចិន និងបណ្តាប្រទេសនានានៅក្នុងតំបន់ឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ