កិច្ចប្រជុំជាន់ថ្នាក់ប្រមុខរដ្ឋាភិបាលនៃអង្គការសហប្រតិបត្តិការក្រុងសៀងហៃ OCS
ចូលរួមក្នុងកិច្ចប្រជុំនេះ ដែលប្រព្រឹត្តទៅនៅក្រុង Bichkek រដ្ឋធានី Kirghizistan គឺមាន លោកនាយករដ្ឋមន្ត្រីរុស្ស៊ី មេដវេដេវ , លោកនាយករដ្ឋមន្ត្រីចិន Wen Jiabao , ប្រមុខ រដ្ឋាភិបាល នៃ៤ប្រទេសទៀត ដែលជាសមាជិក អង្គការសហប្រតិបត្តិការក្រុងសៀងហៃ OCS ពោលគឺ Kazakhstan Kirghizistan Tadjikistan Ouzbekistan ព្រមទាំង៥ប្រទេសសង្កេតការណ៍ ក្នុងអង្គការនេះ គឺ ឥណ្ឌា ប៉ាគីស្ថាន អ៊ីរ៉ង់ ម៉ុងហ្កោលី និង អាហ្វហ្កានីស្ថាន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣៥
ជាបឋម កិច្ចប្រជុំធ្វើការបូកសរុបលទ្ធផលនៃការងារក្នុងមួយឆ្នាំកន្លងទៅ។ បន្ទាប់មក ស្ថិតនៅក្នុងការយកចិត្តទុកដាក់ នៃប្រមុខរដ្ឋាភិបាល សមាជិក OCS គឺ បញ្ហាស៊ីជម្រៅ សហប្រតិបត្តិការ ក្នុងវិស័យសេដ្ឋកិច្ច, ថាមពល, ទូរគមនាគមន៍, វិទ្យាសាស្ត្រ និងបច្ចេកវិជ្ជា សុខាភិបាល កសិកម្ម បង្ការ ហើយ ជំនះលើផលវិបាក បណ្តាលមកពីគ្រោះធម្មជាតិ។
តាមដែល លោកនាយករដ្ឋមន្ត្រីរុស្ស៊ីមេដវេដេវ បានថ្លែង ប្រមុខរដ្ឋាភិបាល ទាំង៦ប្រទេស ក្នុង អង្គការសហប្រតិបត្តិការក្រុងសៀងហៃ គាំទ្រដល់ជំហាន ដែលត្រូវឈាន តទៅទៀត ឆ្ពោះទៅ បំផុសបំផុល សកម្មភាពដែលមានគ្រោងទុក នឹងអនុម័តយក ថវិកាOCS សម្រាប់ឆ្នាំ២០១៣ ហើយ ដោះស្រាយបញ្ហាមួយចំនួនទៀត ក្នុងសកម្មភាពហិរញ្ញវត្ថុ និងសកម្មភាពចាត់ចែង របស់ស្ថាប័ននានាដែលដំណើរការជាប់ជាអចិន្ត្រៃយ៍របស់ OCS។
កិច្ចប្រជុំ នៅក្រុង Bichkek ក៏ពិភាក្សាទៅលើ ទស្សនវិស័យខាងបង្កើតឡើងជា “គណនីពិសេស” ហៅម្យ៉ាងទៀតថា “មូលនិធិអភិវឌ្ឍន៍” ព្រមទាំងបង្កើតជា “ធនាគារអភិវឌ្ឍន៍របស់ OCS” ផ្ទាល់ព្រមទាំងចេញសេចក្តីថ្លែងការណ៍រួមជុំវិញបញ្ហានេះ។ បញ្ហាដ៏សំខាន់មួយទៀត គឺ ស៊ីជម្រៅការសហការគ្នា ក្នុងវិស័យដឹកជញ្ជូន បង្កើតឡើងជាបណ្តាញផ្លូវ និងច្រកផ្លូវ ដ៏កក់ក្តៅ ភ្ជាប់បណ្តាប្រទេសសមាជិក និង ប្រទេសសង្កេតការណ៍ របស់ OCS។
លោកនាយករដ្ឋមន្ត្រីចិន Wen Jiabao ពីចំណែកខ្លួន កត់សម្គាល់ថា ក្នុងផ្ទៃនៃវិបត្តិហិរញ្ញវត្ថុ អន្តរជាតិ បណ្តាប្រទេស OCS ត្រូវតែពង្រឹងភាពរួមសម្បាច់គ្នា ចាក់ឲ្យកាន់តែជ្រៅឡើង ឫស នៃសហប្រតិបត្តិការអនុវត្តន៍ ផ្តល់សន្ទុះថ្មី ដល់ការពង្រឹងសន្តិភាព និងស្ថិរភាពនៅតំបន់ ជំរុញដល់ការអភិវឌ្ឍន៍សេដ្ឋកិច្ច ក្នុងនាម លើកកម្រិតជីវភាពប្រជាជន។
ក្នុងឯកសារជាតុល្យាការ អនុម័តយកនៅក្រុង Bichkek កិច្ចប្រជុំក្នុងជាន់ថ្នាក់ប្រមុខរដ្ឋាភិបាល កំណត់គោលជំហរ ដែលប្រទេសសមាជិក OCS ត្រូវប្រកាន់យក ដើម្បីការអភិវឌ្ឍន៍តទៅទៀត សហប្រតិបត្តិការលើវិស័យសេដ្ឋកិច្ច និងមនុស្សធម៌។
ជាការរំលឹក OCS ដែលជា “អង្គការសហប្រតិបត្តិការក្រុងសៀងហៃ” បានសូតមក នៅ ក្រុង សៀងហៃ ប្រទេសចិន ក្នុងឆ្នាំ២០០១ ក្នុងឋានៈជា អង្គការអន្តរជាតិសម្រាប់ទ្រទ្រង់ ស្ថិរភាព សន្តិភាព និង សន្តិសុខ ប្រចាំតំបន់ ដែលម្ខាង មាន ប្រទេសចិន ម្ខាងទៀត គឺសហព័ន្ធរុស្ស៊ី រួមជាមួយ រដ្ឋឯករាជ្យ៤ នៅភូម៌ភាគអាស៊ីកណ្តាល ជាប់នឹងព្រំដែនចិន គឺ Kazakhstan Kirghizistan Tadjikistan Ouzbekistan៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ