ការដំឡើងសំឡេងដាក់គ្នារវាងកងទ័ពអ.ស.ប.និងកងកម្លាំងការពារលោកបាក់បូ
កងកម្លាំងការពារនិងសន្តិសុខដែលភក្តីចំពោះលោកLaurent Gbagbo បានប្រកាសនៅថ្ងៃសុក្រម្សិលមិញ២១មករាថា នឹងឆែកឆេររថយន្តរបស់អ.ស.ប.( ONUCI ) ដែលប្រព្រឹត្តដូចជា” កងទ័ពកាន់កាប់ “ ។ “ យើងឆែកឆេរជារឿយៗគ្រប់តែរថយន្តបោះត្រាអ.ស.ប.។យើងចាត់ទុកONUCIថាជាអ្នកចូលដៃជាមួយកងកម្លាំងឩទ្ទាម “ -នេះជាការថ្លែងរបស់អ្នកនាំពាក្យនៃរដ្ឋាភិបាលរបស់លោកបាក់បូ។អ.ស.ប.ចាត់ទុកវិធានការនេះថាជា” ការរំលោភបំពានយ៉ាងធ្ងន់ធ្ងរលើកិច្ចព្រមព្រៀងស្តីពីលក្ខន្តិកៈនៃកងកម្លាំង “ទ្រទ្រង់សន្តិភាព ដូច្នេះជា “ ការពុំអាចឱ្យទទួលយកបានឡើយ “ ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
អ្នកនាំពាក្យនៃរដ្ឋាភិបាលលោកLaurent Gbagboប្រកាសថា កងកម្លាំងដែលភក្តីចំពោះលោកប្រធានាធិបតីបាក់បូ ចាប់ពីអំណើះតទៅនឹងឆែកឆេររថយន្តអ.ស.ប.ដែលបើកបរនៅទីក្រុងAbidjan។កងទ័ពមួកខៀវប្រព្រឹត្តដូចជាកងទ័ពកាន់កាប់ដែលចូលដៃជាមួយកងកម្លាំងឩទ្ទាម។គាត់ប្រាថ្នាចង់មើលបញ្ជាក់ថាកុំឱ្យរថយន្តអ.ស.ប.ប្រើសំរាប់លាក់អាវុធ។
លោកឩត្តមសេនីយGohourou Babri Hilaire ជាអ្នកនាំពាក្យនៃកងកម្លាំងការពារនិងសន្តិសុខអះអាងថា កងកម្លាំងនេះនឹងអនុវត្តរាល់អ្វីៗ ដើម្បីស្គាល់រថយន្តដែលនឹងជួយកងកម្លាំងសត្រូវ។
កងកម្លាំងអ.ស.ប.( ONUCI )បដិសេធដាច់ខាតការចោទប្រកាន់របស់កងកម្លាំងការពារនិងសន្តិសុខមកលើខ្លួន។អ្នកនាំពាក្យរបស់កងកម្លាំងអ.ស.ប. HamadounTouréអះអាងថា តួនាទីរបស់ONUCI គឺកសាងសន្តិភាពឡើងវិញនិងរ៉ាប់រងសន្តិសុខឱ្យប្រជាជនកូតឌីវ័រ។” គ្មានហេតុផលអ្វីមួយត្រូវមន្ទិលសង្ស័យនិងឆែកឆេររថយន្តអ.ស.ប.នោះឡើយ។យើងមិនដែលបានគាំទ្រតាមផ្លូវយោធាកងកម្លាំងកូតឌីវ័រណាមួយទេ ហើយយើងក៏នឹងពុំធ្វើការនេះឡើយ នៅថ្ងៃស្អែក។តួនាទីរបស់យើងគឺស្វែងរកច្រកចេញដោយសន្តិវិធីចំពោះភាពទ័លច្រកនយោបាយ ដើម្បីកុំឱ្យកើតមានអ្វីពុំអាចឱ្យកែបាន។
កងទ័ពONUCIគ្រាន់តែបំពេញអាណត្តិរបស់ខ្លួនគឺគាំពារប្រជាជនកូតឌីវ័រ ដើម្បីឱ្យគេកសាងសន្តិភាពនិងសន្តិសុខឡើងវិញ នៅក្នុងប្រទេស ធ្វើការយាមល្បាត ដើម្បីរ៉ាប់រងកិច្ចការពារបណ្តាជននិងគ្មានអ្វីផ្សេងពីនេះទេ។ខ្ញុំសង្ឃឹមថានឹងគ្មានការឆែកឆេរទេ។ការនេះអាចនឹងធ្វើឱ្យស្មុគស្មាញថែមទៀត ទំនាក់ទំនងដែលយើងមានជាមួយគ្នា។ប្រសិនបើមានការមិនយល់គ្នាត្រូវលើកចេញ គេត្រូវតែលើកវាចេញជាជាងចាត់វិធានការបែបនេះដែលមិនឱ្យផលទេ” ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ