មានពលករខ្មែរប្រមាណ ២៥ម៉ឺននាក់ហើយដែលអាជ្ញាធរថៃ ចាប់បញ្ជួនមកប្រទេសកម្ពុជាវិញនៅរយៈពេល ចុងក្រោយនេះ។ ពលករខ្មែរខុសច្បាប់ទំាងអស់នោះ បានចូលទៅដីថៃដើម្បីរកការងារធ្វើ ដែលមាន ដូចជាកម្មករសំណង់ កម្មករកសិកម្ម ជាដើម។ នៅច្រកអន្តរជាតិ ប៉ោយប៉ែត កន្លែងដែលអាជ្ញាធរថៃ ដឹកមកទម្លាក់ មានពលករខ្លះ និយាយថា ជីវិតឆ្លងដែនខុសច្បាប់ បានត្រឹមធ្វើការដោយគ្មានទទួលប្រាក់កម្រៃ រស់នៅទំាងភ័យភិត ព្រោះត្រូវតម្រួតថៃ ប្រមាញ់ចាប់ដាក់គុកនិងយកប្រាក់ និយាយជារួមការរស់នៅក្នុងប្រទេសគេខុសច្បាប់ គឺ ភ្នែកនៅកញ្ចឹងក រាល់ថ្ងៃ។
