ពលករខ្មែរត្រូវបង់ទាបជាងពលករភូមា១០ដងធៀបទៅនឹងពលករភូមានៅក្នុងប្រទេសថៃ
ចុះផ្សាយនៅថ្ងៃ៖
ស្តាប់ - ០៩:១៣
បន្ទាប់ពីបើកកិច្ចប្រជុំជាមួយភ្នាក់ងារបញ្ជូនពលករទៅក្រៅប្រទេសកាលពីដើមសប្តាហ៍នេះ ក្រសួងការងារបានចេញសេចក្តីជូនដំណឹងមួយ ដោយបានបញ្ជាក់ថា ក្រុមហ៊ុនភ្នាក់ងារបញ្ជូនពលករទៅក្រៅប្រទេស ចំនួនជាង ៤០ ក្រុមហ៊ុន ត្រូវបានក្រសួងការងារ កំណត់ឲ្យសម្របសម្រួលធ្វើបែបបទ ដល់ក្រុមពលករខ្មែរស្របច្បាប់ ទៅធ្វើការនៅប្រទេសថៃ។ ក្នុងនោះ ពលករម្នាក់ ត្រូវបង់ប្រាក់ចំណាយលើសេវាសរុប ៤៩ ដុល្លារ រួមមាន បណ្ណពលករ កម្ពុជា ទៅធ្វើការនៅបរទេស ចំនួន ១០ ដុល្លារ ថ្លៃលិខិតឆ្លងដែន ៤ ដុល្លារ ទិដ្ឋាការការងារ នៅស្ថានទូតថៃ ប្រចាំប្រទេសកម្ពុជា ២០ ដុល្លារ ប្រាក់សោហ៊ុយធ្វើដំណើរទៅកាន់ក្រុងប៉ោយប៉ែត ១០ ដុល្លារ និងប្រាក់អាហារតាមផ្លូវធ្វើដំណើរ ចំនួន ៥ ដុល្លារ។
