លោក ពុយ គា ៖ នៅកម្ពុជារបរបោះពុម្ពនិងលក់សៀវភៅមិនអាចក្លាយជាអ្នកមានបានទេ
ចុះផ្សាយនៅថ្ងៃ៖
ស្តាប់ - ១១:២៨
ភ្ញៀវប្រចាំថ្ងៃរបស់វិទ្យុយើងនៅថ្ងៃនេះ គឺលោក ពុយ គា ប្រធានអ្នកឆ្លើយឆ្លងព័ត៌មាននៃទីភ្នាក់ងារសារព័ត៌មានជប៉ុន KYODO ប្រចាំទីក្រុងភ្នំពេញ និងលោក ហ្សង់ ហ្វ្រង់ស័រ តាន់ នាយកគ្រប់គ្រងវិទ្យុបារាំងអន្តរជាតិជាខេមរភាសា។ លោក ពុយ គា ទើបតែបានបោះពុម្ពសៀវភៅមួយដែលមានចំណងជើងថា « ចម្បាំងត្រជាក់រវាងអាមេរិកនិងចិន» ក្នុងភូមិសាស្ត្រនយោបាយអាស៊ីអាគ្នេយ៍ ។ សៀវភៅនេះគឺជាស្នាដៃនិពន្ធរបស់លោក ហ្សង់ ហ្វ្រង់ស័រ តាន់។ ទាំងអ្នកនិពន្ធ ទាំងអ្នកបោះពុម្ពផ្សាយសុទ្ធតែបានបញ្ជាក់អះអាងពីការស្រឡាញ់ការសរសេរនិងបោះពុម្ពសៀវភៅ ប៉ុន្តែ មុខរបរនេះប្រសិនបើគេចង់រកប្រាក់ចំណេញវិញប្រាកដជាលំបាកយ៉ាងខ្លាំងដោយសារតែនៅកម្ពុជាមិនសូវមានអ្នកអាន។
