លោក ជុច ភឿន៖ កម្ពុជា កំពុងដំណើរការអភិរក្ស និងអភិវឌ្ឍន៍ប្រាសាទព្រះវិហារ តាមអនុសាសន៍យូណេស្កូ
ចុះផ្សាយនៅថ្ងៃ៖
ស្តាប់ - ១១:៥៧
ថ្ងៃ៧កក្កដា ឆ្នាំ២០១៤ ថ្ងៃនេះ ៦ ឆ្នាំហើយ ដែលប្រាសាទព្រះវិហារ ត្រូវបានចុះបញ្ជី បញ្ចូលក្នុងសម្បត្តិបេតិកភណ្ឌពិភពលោក។ ៦ ឆ្នាំមកនេះ រដ្ឋាភិបាលកម្ពុជា បានដំណើរការអភិរក្ស និងអភិវឌ្ឍន៍ប្រាសាទព្រះវិហារ តាមអនុសាសន៍អង្គការយូណេស្កូ រួមមាន៖ ការដាំដើមឈើ ស្តារប្រឡាយបុរាណ បង្កើតសារមន្ទីរ រួមទាំងជួសជុលកន្លែងខូចខាតនៅប្រាសាទព្រះវិហារ ពិសេសការខូចខាតដោយសង្គ្រាម ដែលបង្កើតឡើងដោយថៃ ចាប់តាំងពីឆ្នាំ២០០៨ ជាដើម។ លោក ជុច ភឿន រដ្ឋលេខាធិការ ក្រសួងវប្បធម៌ និងវិចិត្រសិល្បៈ និងជាប្រធានអាជ្ញាធរជាតិប្រាសាទព្រះវិហារ បានឲ្យដឹងថា ក្នុងដំណើរការអភិរក្ស និងអភិវឌ្ឍន៍ប្រាសាទព្រះវិហារ មកដល់ពេលនេះ កម្ពុជាបានពង្រីកវិសាលភាពតំបន់ការពារពី ២៥០០ ហិកតា ទៅជាង ៤ ម៉ឺនហិកតា។ ប៉ុន្តែអាជ្ញាធរ មិនទាន់គូសផែនទីបំពេញបន្ថែម ដោយបញ្ចូលដី ៤,៦ គីឡូម៉ែត្រក្រឡា ចូលក្នុងផែនការអភិរក្ស និងអភិវឌ្ឍន៍ប្រាសាទព្រះវិហារ នៅឡើយទេ ទោះបីជាតុលាការក្រុងឡាអេ បានបកស្រាយច្បាស់ហើយថា តំបន់ជុំវិញប្រាសាទព្រះវិហារ ស្ថិតក្នុងអធិបតេយ្យ បូរណភាពទឹកដីកម្ពុជាក៏ដោយ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ