គម្រោងថ្មីក្នុងការរៀបចំការប្រលងសញ្ញាប័ត្រមធ្យមសិក្សានៅកម្ពុជា
ចុះផ្សាយនៅថ្ងៃ៖
ស្តាប់ - ១៤:០៧
ការប្រែប្រួលថ្មីក្នុងដំណើរការប្រឡងសញ្ញាប័ត្រមធ្យមសិក្សាទុតិយភូមិ និងបឋមភូមិនៅកម្ពុជា កំពុង«ស្ថិតក្នុងការពិភាក្សា» រវាងរដ្ឋមន្ត្រីក្រសួងអប់រំ និងបុគ្គលិកសិក្សា។ តាមរយៈ«ការពិគ្រោះយោបល់» ក្រៅផ្លូវការរបស់លោក ហង់ ជួនណារ៉ុន ជាមួយអ្នកគ្រប់គ្រងវិទ្យាល័យនានានៅភ្នំពេញ នាព្រឹកថ្ងៃសៅរ៍ គេអាចដឹងបានថា កំណែទម្រង់ណាមួយ ដែលក្រសួងនេះនឹងសម្រេចអនុវត្តសម្រាប់ការប្រឡង បន្ទាប់ពី«ការស្ទាបស្ទង់មតិ» គឺជាយុទ្ធសាស្ត្រនៅចន្លោះការលើកកម្ពស់វិស័យអប់រំ និងកង្វះថវិកា។ កម្មវិធីកំណែទម្រង់ក្នុងវិស័យអប់រំ និងរបៀបធ្វើការមួយបែបរបស់រដ្ឋមន្ត្រី ក៏ត្រូវលាតត្រដាងដែរ។