កម្ពុជា-វៀតណាម នឹងបន្តបោះបង្គោលព្រំដែនទឹក ពេលបញ្ចប់ការបោះបង្គោលព្រំដែនគោក
ចុះផ្សាយនៅថ្ងៃ៖
ស្តាប់ - ០៩:៥៩
លោកនាយករដ្ឋមន្រ្តី ហ៊ុន សែន និងនាយករដ្ឋមន្រ្តី វៀត ណាម ង្វៀន តាន់យ៉ុង (Nguyen Tan Dung)បានប្តេជ្ញាចិត្តរួមគ្នា ក្នុងការកសាងខ្សែបន្ទាត់ព្រំដែនប្រទេសទាំងពីរឱ្យក្លាយទៅជាព្រំដែនសន្តិភាព សុខុដមរមនា ដោយបញ្ចប់នូវបាតុភាពទាំងឡាយនៅពេលខាងមុខនេះ។ ជាងនេះទៅទៀត លោកនាយករដ្ឋមន្រ្តី ហ៊ុន សែន បានបញ្ជាក់ថា កម្ពុជា-វៀតណាម នឹងបន្តបោះបង្គោលព្រំដែនទឹកថែមទៀត នៅពេលដែលប្រទេសទាំងពីរ បានបញ្ចប់ការបោះបង្គោលព្រំដែនគោក។ ប៉ុន្តែយ៉ាងណាក៏ដោយ សម្រាប់អ្នកវិភាគនិងគណបក្សប្រឆាំងយល់ថា រដ្ឋាភិបាលមិនគួរប្រញ៉ាប់ប្រញ៉ាល់ពេក ក្នុងការបោះបង្គោលព្រំដែននៃប្រទេសទាំងពីរ ដោយទាត់ចោលកង្វល់នានានោះទេ។