តំណាងរាស្ត្រ៥៥រូបរបស់គណបក្សសង្គ្រោះជាតិ ដែលជាបក្សប្រឆាំងតែមួយគត់ ក្នុងរដ្ឋសភាកម្ពុជានីតិកាលទី៥ ធ្វើសច្ចាប្រណិធាន ថ្ងៃនេះ ក្នុងព្រះបរមរាជវាំង ក្រោមព្រះរាជាធិបតីភាពព្រះមហាក្សត្រ។ នេះជាព្រឹត្តិការណ៍បើកឆាកនៃការតស៊ូបែបថ្មី នៅកន្លែងថ្មី និងក្នុងវេលាថ្មី សម្រាប់គណបក្សនេះ ដែលបានតស៊ូជាមួយអ្នកគាំទ្ររបស់ខ្លួន នៅខាងក្រៅរដ្ឋសភា អស់រយៈពេលមួយឆ្នាំកន្លងទៅហើយ។ ដោយសារតែជម្លោះរឿងលទ្ធផលនៃការបោះឆ្នោតថ្ងៃទី២៨ ខែកក្កដា ឆ្នាំ២០១៣ តំណាងរាស្ត្រមកពីគណបក្សប្រជាជនកម្ពុជា បានធ្វើការក្នុងរដ្ឋសភា ដោយគ្មានតំណាងរាស្ត្រប្រឆាំង។ ជំហានថ្មីនេះត្រូវមន្ត្រីបក្សកាន់អំណាចទទួលស្វាគន៍ តែអ្នកតាមដានរិះគន់។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ