មន្ទីរពេទ្យទំនើប ជាជំរើសរបស់អ្នកមានធនធានតែត្រូវបង្កើនសមត្ថភាពមន្ទីរពេទ្យរដ្ឋផងដែរ
ចុះផ្សាយនៅថ្ងៃ៖
ស្តាប់ - ០៩:៤៤
វត្តមាន របស់មន្ទីរពេទ្យឯកជនទំនើបៗ នៅក្នុងប្រទេសកម្ពុជា ត្រូវគេរំពឹងថា នឹងអាចជួយសម្រួល ដល់ប្រជាជនកម្ពុជាឲ្យមានសេវាព្យាបាល ដែលពួកគេអាចជឿជាក់ និងទុកចិត្ត បានពីប្រសិទ្ធភាពដូចជាសេវានានា ដែលពួកគេ កំពុងស្វែងរក នៅឯបរទេស។ ថ្លែងនៅក្នុងពិធីសម្ពោធមន្ទីរពេទ្យរ៉ូយ៉ាល់ភ្នំពេញ ដែលមានទីតាំងស្ថិត នៅតាមបណ្តោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ កាលពីព្រឹកថ្ងៃទី១៨ វិច្ឆិកា ២០១៤ ម្សិលមិញលោកនាយករដ្ឋមន្ត្រី ហ៊ុន សែន បានសម្តែងពីមោទនភាព ដោយកម្ពុជា បានដំណើរការមន្ទីរពេទ្យទំនើបមួយថ្មីទៀត បន្ទាប់ពីវត្តមានមន្ទីរពេទ្យជើរៃ នៅទីក្រុងភ្នំពេញ កាលពីខែមករាកន្លងទៅនេះ។