មហាសន្និបាតគណបក្សកាន់អំណាចសម្រេចបញ្ចូលឈាមថ្មី ពង្រឹងរចនាសម្ព័ន្ធក្រោយបាត់២២កៅអី
ចុះផ្សាយនៅថ្ងៃ៖
ស្តាប់ - ១១:១៣
ក្រោយបញ្ចប់មហាសន្និបាត កាលពីល្ងាចថ្ងៃអាទិត្យម្សិលម៉ិញ គណបក្សកាន់អំណាច បានចេញសេចក្តីសម្រេចមួយដែលមានខ្លឹមសារចំនួន៩ចំណុច ដើម្បីត្រៀមប្រកួតប្រជែងនៅក្នុងការបោះឆ្នោតឃុំសង្កាត់នៅឆ្នាំ២០១៧និងបោះឆ្នោតជាតិនៅឆ្នាំ២០១៨ខាងមុខ។ ក្នុងនោះ គណបក្សចាត់ទុកថា កំណែរទម្រង់ស៊ីជម្រៅ គឺជាអាយុជីវិតរបស់គណបក្សកាន់អំណាច ហើយការចាក់បញ្ចូលឈាមថ្មីជាយុវជនទៅក្នុងតំណែងគណកម្មាធិការកណ្តាលរបស់គណបក្ស គឺដើម្បីពង្រឹងរចនាសម្ព័ន្ធ ក្រោយបាត់អស់២២កៅអី។ ប៉ុន្តែសំរាប់ក្រុមអ្នកវិភាគ បើគណបក្សកាន់អំណាច មិនបង្ហាញការធ្វើកំណែរទម្រង់ពិតប្រាកដទេនោះ នោះគណបក្សនេះ នឹងធ្វើនយោបាយអត្តឃាតនៅឆ្នាំ២០១៨ខាងមុខ។