បក្សសង្គ្រោះជាតិ តែងតាំងលោក សុន ឆ័យ ជាអ្នកនាំពាក្យ
គណបក្សសង្គ្រោះជាតិ កាលពីថ្ងៃទី៣តុលាម្សិលមិញ បានសម្រេចតែងតាំងលោក សុន ឆ័យ អ្នកតំណាងរាស្ត្រនិងជាមន្ដ្រីជាន់ខ្ពស់គណបក្សសង្គ្រោះជាតិ ជាអ្នកនាំពាក្យ។ នេះបើតាមលោកស្រី កែ សុវណ្ណរតន៍ តំណាងរាស្ត្របក្សប្រឆាំង ដែលបានបង្ហើបប្រាប់វិទ្យុបារាំងនៅថ្ងៃពុធនេះ។ សូមជម្រាបជូនថា ការតែងតាំងលោក សុន ឆ័យ ជាអ្នកនាំពាក្យគណបក្សប្រឆាំងនេះ ធ្វើឡើងខណៈពេលដែលមន្ដ្រីនាំពាក្យទាំងពីររូបរបស់សង្គ្រោះជាតិ គឺលោក យឹម សុវណ្ណ និង យ៉ែម បុញ្ញារិទ្ធ កំពុងមានវត្តមាននៅបរទេស និងបន្ទាប់ពីមន្ដ្រីជាន់ខ្ពស់មួយចំនួនរបស់គណបក្សដែលធ្លាប់តែផ្ដល់ដំណឹងឲ្យអ្នកសារព័ត៌មាន បានចាកចេញពីកម្ពុជាទៅក្រៅប្រទេសអស់រួចមក៕
ចុះផ្សាយនៅថ្ងៃ៖ កែប្រែថ្ងៃទី៖