អ្នកវិភាគ៖ ការវាយប្រហារផង ការសុំកុំឲ្យវាយផង ជាយុទ្ធសាស្រ្តរបស់គណបក្សសង្រ្គោះជាតិ
ចុះផ្សាយនៅថ្ងៃ៖
ស្តាប់ - ១០:០៥
នៅរយៈពេលចុងក្រោយនេះ គេសង្កេតឃើញថ្នាក់ដឹកនាំកំពូលរបស់គណបក្សសង្រ្គោះជាតិ គឺលោកសម រង្ស៊ី និងលោកកឹម សុខា បានបញ្ចេញមតិផ្សេងៗគ្នាអំពីបញ្ហានយោបាយ។ លោកសម រង្ស៊ី ដែលកំពុងស្នាក់នៅឯក្រៅប្រទេសនៅតែបន្តវាយប្រហារទៅលើរដ្ឋាភិបាលរបស់គណបក្សប្រជាជនកម្ពុជា។ ប៉ុន្តែងាកមកលោកកឹម សុខា នៅក្នុងស្រុកឯណេះវិញ បែរជាអំពាវនាវដល់ថ្នាក់ដឹកនាំគ្រប់លំដាប់ថ្នាក់របស់គណបក្សប្រឆាំងជៀសវាងការប្រើពាក្យវាយប្រហារគ្នាក្នុងអំឡុងបុណ្យភ្ជុំបិណ្ឌនេះ។ អ្នកវិភាគស្ថានការណ៍នយោបាយខ្មែរយល់ថា នេះគឺជាយុទ្ធសាស្រ្តនយោបាយមួយរបស់គណបក្សប្រឆាំង។ ប៉ុន្តែមន្ត្រីបក្សប្រឆាំងអះអាងថា នេះគឺគ្រាន់តែជាទស្សនៈនយោបាយរបស់មេដឹកនាំទាំងពីរប៉ុណ្ណោះ។
