សង្គ្រោះជាតិ បដិសេដការបែកបាក់ ទោះបីសមាជិកខ្លះងាកទៅរកបណ្តាញចលនាគណបក្សថ្មី
ចុះផ្សាយនៅថ្ងៃ៖
ស្តាប់ - ០៨:៤៩
ស្របពេលដែលលោកសម រង្ស៊ី និង លោកកឹម សុខា ប្រធាន និងអនុប្រធានគណបក្សសង្គ្រោះជាតិ កំពុងមានវត្តមាននៅឯប្រទេសបារាំង ដើម្បីផ្សះផ្សារឿងបាក់បែកផ្ទៃក្នុងនៅទីនោះ នៅក្នុងប្រទេសកម្ពុជាឯណោះវិញ សមាជិកជាន់ខ្ពស់មួយរូបរបស់គណបក្សប្រឆាំងនេះ បានបកអាក្រាតបញ្ហាផ្ទៃក្នុងរបស់គណបក្ស។ ការបកអាក្រាតនេះបានធ្វើឡើងនៅក្នុងកិច្ចប្រជុំសមាជិកនៃបណ្តាញពលរដ្ឋដើម្បីអភិវឌ្ឍន៍សង្គម កាលពីថ្ងៃសៅរ៍ម្សិលមិញ។ ការណ៍នេះធ្វើឲ្យលោកយ៉ែម បុញ្ញរិទ្ធ អ្នកនាំពាក្យគណបក្សសង្គ្រោះជាតិ ក្រៅតែពីការថ្លែងបដិសេដពីការបកអាក្រាតនោះ ក៏បានលើកឡើងផងដែរថា ទង្វើនោះ គឺជាការរៀបចំទុកជាមុន។ ទោះបីសមាជិកជាន់ខ្ពស់របស់ខ្លួនងាករេទៅរកបណ្តាញចលនាគណបក្សថ្មីនេះក៏ដោយ ប៉ុន្តែគណបក្សសង្គ្រោះជាតិមិនបានទុកបណ្តាញមួយនេះនៅក្នុងចិត្តនោះឡើយ។