ហាងកាហ្វេរីកដូចផ្សិតនៅភ្នំពេញ ប៉ុន្តែក្នុងហាងកាហ្វេមានដាក់សៀវភៅ ដាក់ឯកសារ ឲ្យអតិថជនអាន ទំនងមិនមានច្រើនទេ។ មានហាងកាហ្វេមួយឈ្មោះថា "បណ្ណាល័យកាហ្វេ” ។កន្លែងលក់កាហ្វេមួយនេះ បើករកស៊ី មិនត្រឹមតែចង់លក់កាហ្វេនោះទេ តែគេមានបំណងសំខាន់ គឺជំរុញការអាន និងការតាក់តែងនិពន្ធនៅក្នុងប្រទេសកម្ពុជា។ នៅក្នុងហាងកាហ្វេនេះមានសៀវភៅជាច្រើនដាក់តម្រៀបគ្នាទុកឲ្យភ្ញៀវអាន ហើយជាញឹកញាប់មានការបណ្តុះបណ្តាល ការតែងនិពន្ធនៅក្នុងហាងនេះទៀតផង។
