លោកញឹម វណ្ណដា៖ មិនបារម្ភខ្លាំងពីស្ថានភាពទឹកជំនន់ តែបារម្ភខ្លាចប្រជាពលរដ្ឋអត់ទឹក
ចុះផ្សាយនៅថ្ងៃ៖
ស្តាប់ - ១០:២៤
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោកទេសរដ្ឋមន្រ្តី ញឹម វណ្ណដា អនុប្រធានទី១ អាជ្ញាធរជាតិគ្រប់គ្រងគ្រោះមហន្តរាយ។ ឆ្លើយតបនឹងសំណួរបស់វិទ្យុបារាំងអន្តរជាតិ RFI លោកទេសរដ្ឋមន្រ្តីបានបញ្ជាក់ថា ស្ថានភាពទឹកជំនន់នៅកម្ពុជាប៉ុន្មានថ្ងៃមកនេះមិនធ្ងន់ធ្ងរនោះទេ ហើយស្ថានភាពទឹកជំនន់នៅខេត្តកំពត ដែលលិចលង់ច្រើនជាងនោះ ក៏បានធូស្រាលមកវិញហើយ។ ប៉ុន្តែទន្ទឹមគ្នានេះ ទឹកជំនន់ក៏កំពុងលិចនៅតំបន់មួយចំនួនទៀតនៅភាគពាយ័ព្យ តែក៏មិនគួរឲ្យបារម្ភ ដូចទឹកជំនន់កាលពីឆ្នាំ២០១១នោះទេ។ តែគេនៅរងចាំមើលពីរថ្ងៃទៀត ខណៈដែលកម្ពុជាមិនទាន់ឆ្លងផុតពីខ្យល់ព្យុះថ្មីមួយទៀត ចាប់ពីថ្ងៃទី២០ដល់ថ្ងៃទី២១កញ្ញាខាងមុខ។