លោក យ៉ង សាំងកុមារ៖ គណបក្សប្រជាធិបតេយ្យមូលដ្ឋាននឹងសើរើច្បាប់ស្តីពីសន្ធិសញ្ញាព្រំដែនកម្ពុជា-វៀតណាម បើឈ្នះឆ្នោត
ចុះផ្សាយនៅថ្ងៃ៖
ស្តាប់ - ១២:០៣
ព្រះមហាក្សត្រកម្ពុជា កាលពីថ្ងៃទី ០៥ ធ្នូ ឆ្នាំ ២០១៩ ទើបតែបានចេញព្រះរាជក្រមប្រកាសដាក់ឲ្យប្រើប្រាស់នូវច្បាប់ស្តីពីសន្ធិសញ្ញាបំពេញបន្ថែម លើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញាបំពេញបន្ថែមឆ្នាំ២០០៥ រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម។ ប៉ុន្តែក្រោយពីប្រកាសដាក់ឲ្យប្រើប្រាស់ច្បាប់នេះ បានធ្វើឲ្យមានប្រតិកម្មពីសកម្មជននយោបាយ និងសង្គមស៊ីវិលមួយចំនួនទាំងក្នុងនិងក្រៅប្រទេស។ ដោយឡែកគណបក្សប្រជាធិបតេយ្យមូលដ្ឋាន ដែលជាគណបក្សមួយធ្លាប់ចេញសេចក្តីថ្លែងការណ៍សោកស្តាយចំពោះការអនុម័តច្បាប់នេះ ចាប់តាំងពីដំណាក់កាលដំបូងមកម៉្លេះ ប៉ុន្តែនៅតែមិនអាចរារាំងបានឡើយ។ លោក យ៉ង សាំងកុមារ ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះបានទម្លាក់ការទទួលខុសត្រូវនេះ លើគណបក្សប្រជាជនកម្ពុជានៅចំពោះមុខប្រវត្តិសាស្ត្រ ប្រសិនបើកម្ពុជាត្រូវបាត់បង់ទឹកដីតាមរយៈសន្ធិសញ្ញានេះ ហើយថា គណបក្សលោកនឹងសើរើឡើងវិញនូវច្បាប់ស្តីពីសន្ធិសញ្ញាព្រំដែននេះ បើគណបក្សលោកមានឱកាសឈ្នះឆ្នោតនៅពេលអនាគត។