លោក អំ សំអាត៖ អាជ្ញាធរគួរតែបើកទូលាយដល់ក្រុមអ្នកហែក្បួនធម្មយាត្រា សិទ្ធិយាត្រា ប្រារព្ធទិវាសិទ្ធិមនុស្ស ថ្ងៃ១០ធ្នូ
ចុះផ្សាយនៅថ្ងៃ៖
ស្តាប់ - ១១:៤៥
សកម្មជនសិទ្ធិមនុស្ស ដឹកនាំដោយព្រះសង្ឃ នឹងធ្វើការដើរហែក្បួនធម្មយាត្រា សិទ្ធិយាត្រា លើដងផ្លូវជាតិ ចំនួន ៦ ឆ្ពោះមកកាន់រាជធានីភ្នំពេញ ចាប់ពីថ្ងៃទី៥ ដល់ថ្ងៃទី១០ ខែធ្នូ ដើម្បីប្រារព្ធទិវាសិទ្ធិមនុស្ស លើកទី៦។ មកដល់ថ្ងៃ៤ធ្នូនេះ អាជ្ញាធរខេត្ត និងតាមវត្តមួយចំនួន ពិសេសនៅខេត្តកំពង់ចាម បានហាមមិនឲ្យមានពិធីហែក្បួនធម្មយាត្រា និងមិនឲ្យក្រុមអ្នកហែក្បួនធម្មយាត្រា ស្នាក់នៅនោះទេ។ លោក អំ សំអាត អ្នកសម្របសម្រួលសិទ្ធិមនុស្ស របស់អង្គការលីកាដូ បានលើកឡើងថា អាជ្ញាធរគួរតែបើកទូលាយដល់ក្រុមអ្នកហែក្បួនធម្មយាត្រា ដើម្បីសិទ្ធិមនុស្ស ព្រោះជាការប្រារព្ធទិវាសិទ្ធិមនុស្សរួមគ្នា ក្នុងបុព្វហេតុលើកតម្កើងការគោរពសិទ្ធិមនុស្សនៅកម្ពុជា។