លោក កឹម អឿន៖ ការប្រើប្រាស់ឡើងវិញ ជួយធនធានធម្មជាតិនិងសេដ្ឋកិច្ច
ចុះផ្សាយនៅថ្ងៃ៖
ស្តាប់ - ១៣:០៤
ផ្សារកម្សាន្ត SunFair លក់របស់មួយទឹកដំបូងបង្អស់នៅកម្ពុជា បានចាប់ផ្ដើមដំណើរការហើយនៅព្រឹកថ្ងៃអាទិត្យនេះនៅពហុកីឡដ្ឋានជាតិអូឡាំពិក ដោយមានស្តង់ជាង១០០ និងអ្នកចូលរួមប្រមាណ២ពាន់នាក់។ លោក កឹម អឿន ស្ថាបនិកផ្សារកម្សាន្ត ដែលជាភ្ញៀវប្រចាំថ្ងៃរបស់យើងនៅថ្ងៃនេះ បានបញ្ជាក់ថា ផ្សារនេះបង្កើតឡើងដោយឈរលើទស្សនៈម៉ុតតៃណៃរបស់ជប៉ុន មានគោលដៅជំរុញការប្រើប្រាស់ឡើងវិញ ដើម្បីឈានទៅកាត់បន្ថយការប្រើប្រាស់ធនធានធម្មជាតិនៅក្នុងការផលិតវត្ថុថ្មី។ បើតាមលោក កឹម អឿន ផ្សារកម្សាន្តមិនត្រឹមតែស្វាគមន៍ការទិញ លក់ ឬផ្ញើលក់ទំនិញមួយទឹកប៉ុណ្ណោះទេ ប្រជាពលរដ្ឋក៏អាចចូលរួមបរិច្ចាគរបស់ប្រើប្រាស់រួច ក្នុងសកម្មភាពសប្បុរសធម៌ផងដែរ។