ភ្ញៀវប្រចាំថ្ងៃរបស់វិទ្យុបារាំងអន្ដរជាតិនៅថ្ងៃ នេះ គឺលោក អេង ឆៃអ៊ាង តំណាងរាស្ត្រមណ្ឌលខេត្តកណ្ដាល និងជាមន្ដ្រីជាន់ខ្ពស់គណបក្សសង្គ្រោះជាតិ។ បើតាមលោក អេង ឆៃអ៊ាង សម្ដីលោកនាយករដ្ឋមន្ដ្រីហ៊ុន សែន ដែលហៅលោក សម រង្សីថា កូនអាក្បត់ជាតិ គឺជាពាក្យពេចន៍មិនសមរម្យ ដែលអ្នកនយោបាយមិនគួរប្រើនោះទេ។ សម្រាប់លោក អេង ឆៃអ៊ាង អ្នកនយោបាយគួរតែមានចិត្តត្រជាក់ ហើយឆ្លើយតបចំពោះការរិះគន់ដោយសម្ដីប្រកបដោយគតិបណ្ឌិត។ ការខឹងច្រឡោតតោតតូងរបស់អ្នកនយោបាយ មិនផ្ដល់ផលចំណេញទេ។ វាមានតែធ្វើឲ្យខាតបង់ប៉ុណ្ណោះ។ នេះបើតាមលោកអេង ឆៃអ៊ាង។
