លោកឧកញ៉ា ម៉ុង ឫទ្ធី៖ រដ្ឋមន្ដ្រីស៊ីប្រាក់ខែរដ្ឋ ត្រូវដោះស្រាយបញ្ហា និងបម្រើប្រយោជន៍ពលរដ្ឋ
ចុះផ្សាយនៅថ្ងៃ៖
ស្តាប់ - ១១:០៥
នៅថ្ងៃទី២២ខែមីនាម្សិលមិញនេះ លោករដ្ឋមន្ដ្រី អ៊ុក រ៉ាប៊ុន នៃក្រសួងកសិកម្ម រុក្ខាប្រមាញ់ និងនេសាទ បានបដិសេធចំពោះសំណើជួបពិភាក្សារបស់លោកឧកញ៉ា ម៉ុង ឫទ្ធី អំពីបញ្ហាដំណាំកៅស៊ូ។ លោក ម៉ុង ឫទ្ធី ប្រធានក្រុមការងារផ្នែកកសិកម្មនិងកសិ-ឧស្សាហកម្មផ្នែកឯកជន និងជាភ្ញៀវប្រចាំថ្ងៃរបស់វិទ្យុបារាំង បានចាត់ទុកការបដិសេធនេះ ថាជាសិទ្ធិរបស់លោករដ្ឋមន្ដ្រី។ ប៉ុន្តែបើតាមសេដ្ឋីផ្នែកកសិកម្មរូបនេះ រដ្ឋមន្ត្រីក្រសួងកសិកម្ម ដែលទទួលប្រាក់ខែរដ្ឋ ត្រូវបម្រើប្រយោជន៍ប្រជាពលរដ្ឋ និងជួយដោះស្រាយបញ្ហារបស់ពលរដ្ឋ។ ជំនួបពិភាក្សារវាងរដ្ឋនិងផ្នែកឯកជន ត្រូវបានលោក ម៉ុង ឫទ្ធី ចាត់ទុកថាជាមធ្យោបាយ ឈានទៅដោះស្រាយបញ្ហាកៅស៊ូចុះថ្លៃបាន។