បក្សប្រឆាំង ស្នើអង្គការសហប្រជាជាតិចូលរួមស៊ើបអង្កេតឃាតកម្មលោកកែម ឡី ដើម្បីជៀសវាងការលាបពណ៌គ្នា
ក្រុមសមាជិកសភាគណបក្សសង្រ្គោះជាតិនៅព្រឹកនេះ បានស្នើឲ្យមានអ្នកឯកទេសត្រឹមត្រូវនិងឯករាជ្យក្នុងការស៊ើប អង្កេតលើករណីឃាតកម្មលោកកែម ឡី។ ជាមួយគ្នានេះ ក្រុមសមាជិកសភាគណបក្សសង្រ្គោះជាតិ ក៏បានអំពាវនាវឲ្យសហគមន៍អន្តរជាតិយកចិត្តទុកដាក់ពីស្ថានភាព នយោបាយនៅកម្ពុជា និងសុំឲ្យអង្គការអន្តរជាតិជាអាទិ៍អង្គការសហប្រជាជាតិចូលរួមស៊ើប អង្កេតរកការពិតនូវអំពើឃាតកម្មលើលោកកែម ឡី ក្នុងការធានាកុំឲ្យការធ្វើឃាតមនុស្សមានលក្ខណៈនយោបាយបានរួច ខ្លួន ដើម្បីបញ្ចប់នូវអំពើព្រៃផ្សៃ និងថោកទាប កុំបន្តមានតទៅទៀត។ លោកអេង ឆៃអ៊ាង មន្ត្រីជាន់ខ្ពស់គណបក្សសង្រ្គោះជាតិបញ្ជាក់បន្ថែម៖ សម្លេងលោក អេង ឆៃអ៊ាង
ចុះផ្សាយនៅថ្ងៃ៖
ស្តាប់ - ០១:២៤
ជាមួយនឹងការស្នើសុំនេះ គណបក្សសង្រ្គោះជាតិក៏បានបន្តអំពាវនាវដល់សមាជិកព្រឹទ្ធសភា រដ្ឋសភា មន្ត្រីជាន់ខ្ពស់និងសកម្មជនគណបក្សប្រឆាំងទាំងអស់ឲ្យមានការប្រុងប្រយ័ត្នខ្ពស់អំពីបញ្ហាសន្តិសុខសុវត្ថិភាពផ្ទាល់ខ្លួន ព្រោះថា ឃាតកម្មលើលោកកែម ឡី គឺមានលក្ខណៈសាហាវខ្លាំងណាស់ហើយបានធ្វើឡើងនៅទីសាធារណៈ។ ប្រឈមមុខនឹងឃាតកម្មលើលោកបណ្ឌិតកែម ឡីនេះដែរ គណបក្សសង្រ្គោះជាតិក៏បានអំពាវនាវជាថ្មីម្តងទៀតទៅកាន់គណបក្សប្រជាជនកម្ពុជា ដើម្បីសុំជួបចរចាគ្នា។
ការអំពាវនាវជាថ្មីនេះ ក៏ព្រោះថាគណបក្សប្រឆាំងបានចាត់ទុកឃាតកម្មលោកកែម ឡី ថាជាស្ថានភាពធ្ងន់ធ្ងរណាស់ និង ដើម្បីជៀសវាងការបាចទឹកដាក់គ្នា ចោទប្រកាន់គ្នាទៅវិញទៅមកជុំវិញឃាតកម្មនេះ។ មួយវិញទៀត គណបក្សប្រឆាំងចង់ជួបគណបក្សប្រជាជនកម្ពុជា គឺដើម្បីចង់ឲ្យមានការស៊ើបអង្កេតឯករាជ្យមួយជុំវិញរឿងនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ