លោក តែង គន្ធី៖ ភាគច្រើនយុវវ័យនៅមានភាពខ្មាសអៀនក្នុងការមកទទួលស្រោមអនាម័យ
ចុះផ្សាយនៅថ្ងៃ៖
ស្តាប់ - ១៣:៤៨
ភ្ញៀវប្រចាំថ្ងៃរបស់វិទ្យុយើងនៅយប់នេះ គឺលោក តែង គន្ធី អគ្គលេខាធិការអាជ្ញាធរជាតិប្រយុទ្ធប្រឆំាងនឹងជំងឺអេដស៍។ រយៈពេលបីថ្ងៃនៃពិធីបុណ្យអុំទូកនេះ អាជ្ញាធរជាតិប្រយុទ្ធប្រឆំាងនឹងជំងឺអេដស៍សហការជាមួយអង្គការសង្គមស៊ីវិលផ្សេងទៀតបានរៀបចំយុទ្ធនាការផ្ដល់ជូនស្រោមអនាម័យដោយឥតគិតថ្លៃ។ ត្បិតតែមិនទាន់មានតួលេខនៅក្នុងដៃពីចំនួនអ្នកមកទទួលស្រោមអនាម័យ លោក តែង គន្ធី ទទួលបានព័ត៌មានថា ទាំងយុវវ័យនិងមនុស្សចាស់មានចំនួនប្រហាក់ប្រហែលដែលមកទទួលស្រោមអនាម័យនិងបានពិគ្រោះយោបល់ផ្សេងៗ។ ប៉ុន្តែភាគច្រើនយុវវ័យនៅមានភាពខ្មាសអៀនក្នុងការមកទទួលស្រោមអនាម័យ៕