ព្រឹត្តិការណ៍កម្ពុជាប្រចាំថ្ងៃ
អ្នកនយោបាយខ្មែរនៅតែត្រូវការវប្បធម៌សន្ទនា
ចុះផ្សាយនៅថ្ងៃ៖
ស្តាប់ - ១០:២០
អ្នកនយោបាយខ្មែរនៅតែត្រូវការវប្បធម៌សន្ទនា បើទោះណា មិនមានការឆ្លងឆ្លើយគ្នាផាំងទៅផាំងមកប៉ុន្មានថ្ងៃចុងក្រោយនេះ ក៏ប៉ុន្តែកំដៅនយោបាយ ដែលអូសបន្លាយចាប់តាំងពីមានការធ្វើបាតុកម្មប្រឆាំងគ្នា ការដកតំណែងលោក កឹម សុខា ពីអនុប្រធានទី១នៃរដ្ឋសភានិងការផ្ទុះអំពើហិង្សាទៅលើអ្នកតំណាងរាស្ត្រមកពីគណបក្សសង្គ្រោះជាតិ២រូប កាលពីសប្តាហ៍មុននៅងំនៅឡើយ។ ទោះជាយ៉ាងនេះក្តី ការជជែកគ្នាបែបសន្ទនា ដែលអ្នកខ្លះថាបានស្លាប់ទៅហើយក៏ដោយ នៅតែជាក្តីសង្ឃឹមដ៏ធំបំផុត របស់អ្នកតាមដាននយោបាយ និងគណបក្សនយោបាយដែលមានវិវាទ។
