អ្នកសេដ្ឋកិច្ច ៖ កម្ពុជាមិនទាន់អាចបញ្ឈប់ការចាយលុយដុល្លារទាំងស្រុងបាននៅឡើយទេ
ចុះផ្សាយនៅថ្ងៃ៖
ស្តាប់ - ០៩:១៣
នៅក្នុងកិច្ចប្រជុំសភាកាលថ្ងៃទី០២ តុលា លោក សម រង្ស៊ី ប្រធានគណបក្សសង្គ្រោះជាតិបានលើកឡើងពីផលប៉ះពាល់ធ្ងន់ធ្ងរដល់សេដ្ឋកិច្ចជាតិពីការចាយលុយដុល្លារអាមេរិក។ ដុល្លារអាមេរិកដែលប្រជាពលរដ្ឋទូទៅកំពុងចាយវាយយ៉ាងទូលំទូលាយនៅក្នុងប្រទេសកម្ពុជា។ អ្នកសេដ្ឋកិច្ចមិនបានបដិសេធពីផលប៉ះពាល់នៃការចាយលុយដុល្លារនេះទេ តែបានបង្ហាញបន្ថែមពីផលប្រយោជន៍នៃការចាយលុយបរទេសនេះ។ បើតាមអ្នកសេដ្ឋកិច្ច ពេលនេះកម្ពុជាមិនទាន់អាចបញ្ឈប់ការចាយលុយដុល្លារភា្លមៗបាននៅឡើយទេគឺត្រូវការពេលវេលាមួយសមស្រប។ ក៏ប៉ុន្តែអនុប្រធានគណៈកម្មការទី២ នៃរដ្ឋសភា លោក សុន ឆ័យ បញ្ជាក់ថា ទោះបីមិនអាចបញ្ឈប់ភ្លាមៗបានមែន តែគេអាចរកវិធីកាត់បន្ថយបណ្តើរៗរហូតអាចបញ្ឈប់ទាំងស្រុងបាន។
