ប៉េកាំងប្រើប្រាស់ព្រឹត្តិការណ៍១១កញ្ញា ដើម្បីបង្ក្រាបកម្ទេចពួកអ្នកប្រឆាំងនៅស៊ិនជាំង
រដ្ឋាភិបាលចិនបានប្រើលេសប្រយុទ្ធប្រឆាំងនឹងភេរវនិយម នៅលើពិភពលោកក្នុងអំឡុងពេលដប់ឆ្នាំចុងក្រោយនេះ ដើម្បីចាប់បញ្ចូលក្នុងពន្ធនាគារជនជាតិវីហ្គោ រាប់ពាន់នាក់ជាអ្នកកាន់សាសនាអ៊ីស្លាមនិយាយភាសាទួរគីរស់នៅតំបន់ស៊ិនជាំងនៃប្រទេសចិន -នេះជាយោបល់របស់ជនមួយក្រុមតំណាងជនជាតិភាគតិចនេះ ថ្លែងនៅថ្ងៃអាទិត្យ១១កញ្ញានេះ។
ចុះផ្សាយនៅថ្ងៃ៖
ស្តាប់ - ០២:១១
អាជ្ញាធរប៉េកាំងចាត់ទុកចលាចលនៅក្នុងតំបន់ស៊ិនជាំងដ៏ឆ្ងាយ នៅប៉ែកខាងលិចនៃប្រទេសចិនថា បង្កឡើងដោយកម្លាំង “ ភេរវនិយម ទាមទារផ្តាច់ទឹកដីនិងកាន់សាសនាអ៊ីស្លាម “ និងបានចាប់ដាក់គុករហូតដល់ទៅប្រហារជីវិតបង់ទៀតផង ពួកមេដឹកនាំបង្កចលាចលទាំងនេះ -នេះជាការអះអាងនៃសមាជវីហ្គោពិភពលោកដែលមានទីស្នាក់ការ នៅប៊ែរឡាំង។
“ អាជ្ញាធរចិនបានរកឃើញនៅក្នុងព្រឹត្តិការណ៍១១កញ្ញានូវការនិយាយដោះសាដ៏ល្អឥតខ្ចោះ ដើម្បីបង្ក្រាបកម្ទេចរាល់ទ្រង់ទ្រាយនៃការប្រឆាំងដោយសន្តិវិធីរបស់ជនជាតិវីហ្គោ នៅក្នុងវិស័យនយោបាយ សង្គមកិច្ចនិងវប្បធម៌ “ -នេះជាការថ្លែងរបស់លោកស្រី Rebiya Kadeer ជាអ្នកដឹកនាំនិរទេសខ្លួននៃសមាគមនេះ។លោកស្រីបានពោលបន្ថែមទៀតថា “ ទោះបីជាបាតុកម្មប្រឆាំងនឹងនយោបាយនៃរដ្ឋាភិបាលចិនកើនចំនួនជារៀងរាល់ថ្ងៃ នៅក្នុងប្រទេសទាំងមូលក្តី ក៏មានតែបាតុកម្មរបស់ជនជាតិវីហ្គោប៉ុណ្ណោះត្រូវចាត់ទុកជាភេរវនិយម “ ។
ស្របតាមសមាជវីហ្គោពិភពលោក “ តុលាការនៅស៊ិនជាំង ប្រហែលជាពិតខ្លាំងណាស់បានជំនុំជម្រះជនជាប់ចោទជាងមួយពាន់នាក់ នៅឆ្នាំ២០១០ ត្រូវមន្ទិលសង្ស័យថា ធ្វើឱ្យមានគ្រោះថ្នាក់ដល់សន្តិសុខប្រទេសជាតិ នៅក្នុងតំបន់នេះនិងគេអាចគិតដោយសមហេតុផលថា ភាគច្រើនណាស់បានទទួលការផ្តន្ទាទោស “ ។
ដោយផ្អែកទៅលើព័ត៌មាននៃកាសែតនិងរបាយការណ៍នៃក្រុមអ្នកការពារសិទ្ធិមនុស្ស សមាគមគិតប្រមាណថា ជនជាតិវីហ្គោជាប់គុកចាប់ពីឆ្នាំ២០០១មក មានចំនួន៧០០០នាក់ ដោយត្រូវបានជាប់ចោទពីបទរំលោភបំពានលើសន្តិសុខប្រទេសជាតិ។
ប្រទេសចិនអះអាង ជារឿយៗថា ខ្លួនរងគ្រោះដោយ” ភេរវនិយម “ ជាអាទិ៍ នៅស៊ិនជាំងជាទីដែលអាជ្ញាធរប៉េកាំងបានរឹតបន្តឹងវិធានការសន្តិសុខ នៅក្នុងតំបន់នេះកំពុងតែមានភាពតានតឹងរវាងជនជាតិហានភាគច្រើន នៅប្រទេសចិននិងជនជាតិវីហ្គោភាគតិច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ