លោកឈាង វណ្ណារិទ្ធិ៖ កម្ពុជាអាចមិនទទួលបានការយកចិត្តទុកដាក់ច្រើនពីអាមេរិក ក្រោយពេលដូណាល់ត្រាំឡើងកាន់អំណាច
ចុះផ្សាយនៅថ្ងៃ៖
ប្រជាពលរដ្ឋអាមេរិកបានរកឃើញប្រធានាធិបតីទី៤៥ របស់ខ្លួន ក្នុងការបោះឆ្នោតប្រធានាធិបតីកាលពីថ្ងៃទី០៨ ខែវិច្ឆកា។ គ្រប់គ្នាបានបង្ហាញការភ្ញាក់ផ្អើលពេលលោកដូណាល់ត្រាំជាប់ឆ្នោតជាប្រធានាធិបតី។ ជុំវិញការបោះឆ្នោតនៅអាមេរិកនេះ វិទ្យុបារាំងអន្តរជាតិបានអញ្ជើញលោកឈាង វណ្ណារិទ្ធិ ជាអ្នកស្រាវជ្រាវជាន់ខ្ពស់នៃវិទ្យាស្ថានខ្មែរសម្រាប់កិច្ចសហប្រតិបត្តិការ និងសន្តិភាព ក្នុងនាមជាភ្ញៀវប្រចាំថ្ងៃ។ លោកឈាង វណ្ណារិទ្ធិ បានបញ្ជាក់ថា ក្រោយពេលលោកដូណាល់ត្រាំឡើងកាន់តំណែងជាប្រធានាធិបតីអាមេរិក នោះអាមេរិកប្រហែលមិនសូវយកចិត្តទុកដាក់ចំពោះកម្ពុជា និងក្នុងតំបន់។ លោកបន្ថែមថាប្រសិនបើអាមេរិក មិនយកចិត្តទុកដាក់ក្នុងតំបន់ ឬកម្ពុជា វានឹងធ្វើឲ្យកម្ពុជាខាតបង់ផ្នែកណាមួយ ដូចជាផ្នែកពាណិជ្ជកម្ម ក៏ដូចជាការវិនិយោគជាដើម។