ជំនួបកំពូលអាហ្វ្រិក-បារាំងលើកទី២៥
ជំនួបកំពូលលើកនេះគឺជាជំនួបកំពូលលើកទី១សំរាប់ លោកប្រធានាធិបតីបារាំង NicolasSarkozy ដែលបានមានប្រសាសន៍ជាច្រើនដងអំពីឆន្ទៈបំណងខ្លួនចង់ចេញពីអតីត បណ្តាញឥទ្ធិពល ដើម្បីអនុគ្រោះឱ្យបានប្រិតប្រៀបជាងមុនដល់ផលប្រយោជន៍នៃប្រទេស បារាំងដែលលែងមានតួនាទីជានគរបាលលើទ្វីបអាហ្វិ្រកទៀតឡើយ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
ដោយប្រកាន់ឥរិយាបថប្រយ័ត្នកុំឱ្យឃ្នើសចិត្តអតីតមិត្តភក្តិនិយាយភាសាបារាំងអញ្ជើញមកឱ្យចូលរួម “ ជំនួបកំពូលជាគ្រួសារ “ នៅParis នៅថ្ងៃ១៣និង១៤កក្កដា លោកប្រធានាធិបតីបារាំងនឹងខំប្រឹងថ្នមចិត្ត ជាពិសេស នៅទីក្រុងNice ប្រទេសនិយាយភាសាអង់គ្លេសដ៏សំខាន់ៗនៃទ្វីបអាហ្វិ្រកដូចយ៉ាង សាធារណរដ្ឋអាហ្វិ្រកខាងត្បូងនិងNigéria។
វត្តមានមួយទៀតដ៏សំខាន់គឺលោកប្រធានាធិបតីអាល់ហ្សេរី Abdelaziz Bouteflika ដែលប្រហែលអាចធ្វើឱ្យធូរស្រាលទំនាក់ទំនងដ៏ពិបាករវាង AlgerនិងParis ។
ក្រោមអធិបតីភាពរួមគ្នារបស់លោកប្រធានាធិបតីបារាំង Nicolas Sarkozyនិងអេហ្ស៊ីប Hosni Moubarak ជំនួបកំពូលនេះបើកជាលើកទី១សំរាប់អ្នកដែលពុំមែនជារដ្ឋបុរសនិងដំណៅទិសទៅរកសេដ្ឋកិច្ច ដោយមានជំនួបរវាងសហគ្រាសបារាំងនិងអាហ្វិ្រក។
ជំនួបកំពូលលើកនេះមានដំណៅទិសធំៗបីគឺទី១ស្តីពី “ កន្លែងរបស់អាហ្វិ្រក នៅក្នុងអភិបាលកិច្ចពិភពលោក “ ទី២ស្តីពី “ ការពង្រឹងសន្តិភាពនិងសន្តិសុខ “ និងទី៣ស្តីពីបញ្ហា “ អាកាសធាតុនិងអភិវឌ្ឍន៍ “ ។
ក្នុងចំណោម៥៣ប្រទេសអាហ្វិ្រក គ្មានមុខតែពីរប្រទេសប៉ុណ្ណោះក្នុងជំនួបកំពូលលើកនេះគឺលោកប្រធានាធិបតី Zimbabwe Robert Mugabe ដែលត្រូវសហគមន៍អន្តរជាតិកាត់កាល់លែងរាប់អាននិងMadagascar កំពុងតែមានវិបត្តិនយោបាយពេញទំហឹង។
លោកប្រធានាធិបតីស៊ូដង់ Omar el-Béchir ដែលត្រូវតុលាការព្រហ្មទ័ណ្ឌអន្តរជាតិចេញដីកាចាប់ខ្លួន បានចាត់អ្នកតំណាងខ្លួនឱ្យមកចូលរួមជំនួបកំពូល ក៏ដូចជាលោកប្រធានាធិបតីCôte d’Ivoire Laurent Gbagbo ដែលធ្វើពហិការពុំខ្ចីចូលរួមជំនួបបែបនេះ តាំងពីឆ្នាំ២០០២មកម្ល៉េះ។
ចំណែកឯសម្ព័ន្ធមិត្តជាប្រពៃណីរបស់Paris គឺ CamerounGabon Congo Tchad Centrafrique។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ