ពិព័រណ៌ក្រុមហ៊ុនជប៉ុននៅកម្ពុជា ទទួលបានការចាប់អារម្មណ៍ច្រើនពីនិស្សិត និងយុវជនខ្មែរ
ចុះផ្សាយនៅថ្ងៃ៖
ស្តាប់ - ០៩:២២
មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) នៅថ្ងៃទី ២០ធ្នូនេះ បានរៀបចំឲ្យមានការតាំងពិព័រណ៍ការងារមួយ ដែលមានឈ្មោះថា ពិព័រណ៍ក្រុមហ៊ុនជប៉ុននៅកម្ពុជា។ ជាពិព័រណ៍ ដែលផ្តល់ឱកាសឲ្យក្រុមហ៊ុនជប៉ុន និងសិស្ស និស្សិតខ្មែរ ដែលចង់បម្រើការងារក្នុងក្រុមហ៊ុនជប៉ុន អាចស្វែងរកការងារធ្វើបាន ឬអាចជ្រើសរើសបុគ្គលិកបាន។ នេះជាលើកទីបីហើយ ដែលពិព័រណ៍នេះ បានធ្វើក្នុងរាជធានីភ្នំពេញ ហើយតាមអ្នករៀបចំកម្មវិធី, ពិព័រណ៍ការងារនេះ តែងតែទទួលបានការចាប់អារម្មណ៍ពីសិស្ស និងនិស្សិត និងយុវជនខ្មែរ ដែលកំពុងតែស្វែងរកការងារធ្វើ។ ពិព័រណ៍នេះ មានរយៈពេលតែមួយថ្ងៃ ដែលចាប់ផ្តើម ពីម៉ោង ៨ព្រឹក ដល់ម៉ោង ៥ល្ងាច។