លោក ផៃ ស៊ីផាន៖ «កំណែទម្រង់ស៊ីជម្រៅ លើកនេះ រាស្ត្រ និងរដ្ឋ នៅជាប់ជាមួយគ្នា»
ចុះផ្សាយនៅថ្ងៃ៖
ស្តាប់ - ១២:៥០
ភ្ញៀវប្រចាំថ្ងៃ របស់វិទ្យុបារាំង RFI នៅថ្ងៃនេះ គឺលោក ផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្ត្រី។ លោក ផៃ ស៊ីផាន បានលើកឡើងថា ចាប់ពីថ្ងៃទី១៥កុម្ភៈតទៅ ក្រុមការងារថ្នាក់ជាតិ នឹងផ្តើមចុះមូលដ្ឋាន ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៣ របស់រាជរដ្ឋាភិបាល នៅគ្រប់ ២៥ រាជធានី ខេត្ត ទូទាំងប្រទេស។ ជាកំណែទម្រង់ទូលំទូលាយ និងស៊ីជម្រៅ ដែលលោកផៃ ស៊ីផាន អះអាងថា ធ្វើឲ្យរាស្ត្រ និងរដ្ឋ នៅជាប់ជាមួយ តាមរយៈគោលដៅ ៣ សំខាន់ គឺទី១-ចុះអនុវត្តឲ្យមានប្រសិទ្ធភាពនៅមូលដ្ឋាន ទី២-រៀបចំវេទិកាសាធារណៈ ស្តាប់ និងដោះស្រាយនៅទីកន្លែង និងទី៣-ដើម្បីឆ្លើយតបគណនេយ្យភាពសេវារបស់រដ្ឋាភិបាល ក្នុងការលើកកម្ពស់ការផ្តល់សេវា ដល់មហាជន។
