ការរឹតចំណងទំនាក់ទំនងរវាងបារាំងនិងកាណាដា
ចុះផ្សាយនៅថ្ងៃ៖
ស្តាប់ - ០៤:១៦
យើងបានដឹងហើយថាប្រធានធិបតីបារាំងហ្រ្វង់ស្វ័រហូឡង់ បាននឹងកំពុងធ្វើទស្សនៈកិច្ចជាផ្លូវការចំនួន បីថ្ងៃគឺចាប់តាំងពីថ្ងៃអាទិត្យទី២ដល់ថ្ងៃអង្គារ៍ទី៤វិច្ឆិកា នៅប្រទេសកាណាដា។ ជាទស្សនៈកិច្ចផ្លូវរដ្ឋលើកដំបូងបង្អស់ បន្ទាប់ពីទស្សនៈកិច្ចរបស់អតីតប្រធានធិបតីបារាំង លោក François Mitterrand នៅឆ្នាំ ១៩៨៧។និងក៏ជាការរឹតចំណងទំនាក់ទំនងដ៏យូរអង្វែង ដែលបានចាក់ឬសយ៉ាងជ្រៅក្នុងប្រវត្តិសាស្រ្តនៃប្រទេសទាំងពីរ និងដោយផ្តោតជាពិសេសលើការអភិវឌ្ឍន៍នៃទំនាក់ទំនងសេដ្ឋកិច្ចនិងកិច្ចសហប្រតិបត្តិការសិក្សានិងវិទ្យាសាស្រ្ត។
ទំនាក់ទំនងទ្វេភាគីបារាំងកាណាដាមានការចុះសម្រុងគ្នាក្នុងស្ទើរគ្រប់វិស័យទាំងអស់ ព្រោះថាប្រទេស កាណាដា គឺជាដៃគូដ៏សំខាន់មួយរបស់ប្រទេសបារាំង។ ទាំងវិស័យវប្បធម៌ ដោយសារតែហេតុផល ប្រវត្តិសាស្រ្តកន្លងមក និងចំណងមនោសញ្ចេតនារួមរបស់ប្រទេសទាំងពីរ។ ចំណែកវិស័យនយោបាយ មិនថានៅ អង្គការសហប្រជាជាតិ អង្គការនៃប្រទេសនិយាយភាសាបារាំង Francophonie អង្គការណាតូ ឬក្នុងក្របខណ្ឌនៃក្រុមប្រទេសសេដ្ឋកិច្ចអភិវឌ្ឍន៍ G8នោះទេ បារាំងនិងកាណាដាជារឿយៗ តែងតែបានបង្ហាញនូវគោលជំហរដូចគ្នា។ ឯផ្នែកសេដ្ឋកិច្ចវិញ ប្រទេសបារាំងគឺជាវិនិយោគិនធំជាងគេទីបីឬទីបួន អាស្រ័យតាមឆ្នាំ នៅក្នុងប្រទេសកាណាដា នេះបើតាមស្ថានទូតបារាំងប្រចាំនៅក្នុងរដ្ឋធានីអូតាវ៉ា។
ចំពោះទស្សនៈកិច្ចផ្លូវរដ្ឋរបស់ប្រធានាធិបតីហ្រ្វង់ស្វ័រហូឡង់មកកាណាដា នៅពេលនេះ អមដំណើរដោយ រដ្ឋមន្រ្តីប្រាំមួយរួមទាំងលោក Laurent Fabius រដ្ឋមន្ត្រីការបរទេសបារាំង និងគណៈប្រតិភូនៃ ពាណិជ្ជករ អ្នកវិទ្យាសាស្រ្តនិងប្រធានសាកលវិទ្យាល័យដ៏សំខាន់មួយចំនួន គឺជា ការឹតចំណងដ៏ល្អដែលមានស្រាប់ និងដោយផ្តោតជាពិសេសលើការអភិវឌ្ឍន៍នៃទំនាក់ទំនងសេដ្ឋកិច្ចនិងកិច្ចសហប្រតិបត្តិការសិក្សានិងវិទ្យាសាស្រ្ត។
ទស្សនៈកិច្ចផ្លូវការនេះ វានឹងជួយពង្រឹងទំនាក់ទំនងដែលមានសារៈសំខាន់រួចទៅហើយ ជាមួយនឹងការធ្វើពាណិជ្ជកម្មទ្វេភាគី ដល់ទៅ ៦,២២ ពាន់លានអឺរ៉ូ នៅក្នុងឆ្នាំ ២០១៣។ ដែលក្នុងនោះក្រុមហ៊ុន សហគ្រាសបារាំងមានចំនួនប្រមាណជាជាង៦៣០ ដែលភាគច្រើនស្ថិតនៅក្នុងខេត្តគេបិច (៤០០) បាននឹងកំពុងមានសកម្មភាពនៅលើទឹកដីកាណាដា។ ក៏ប៉ុន្តែទីកន្លែងសំចតដំបូងរបស់លោកហូឡង់ មិនមែននៅគេបិចទេ គឺនៅខេត្តអាល់បែរតា ផ្នែកខាងលិច នៃប្រទេសកាណាដាជាទីដែលការធ្វើអាជីវកម្មធនធានធម្មជាតិបាននឹងកំពុងលើកស្ទួយដល់កំនើនសេដ្ឋកិច្ចកាណាដា។ ការធ្វើទស្សនៈកិច្ចផ្លូវការរយៈពេលពីរថ្ងៃដំបូងអមដំណើរដោយប្រធានសហគ្រាសបារាំងជាង៤០ ក្នុងក្រុងកាល់ហ្ការីនៃខេត្តអាល់បែរតា ជាខេត្តសំបុកប្រេងកាតរបស់កាណាដាតាម ការអញ្ជើញរបស់លោកនាយករដ្ឋមន្ត្រី ស្ទីវិន ហាភឺ គឺជាសញ្ញាបញ្ជាក់ថា បារាំងកំពុងតែមានចំណាប់ អារម្មណ៍យ៉ាងខ្លាំងក្នុងការអភិវឌ្ឍន៍ចំណងសេដ្ឋកិច្ច និងនយោបាយជាមួយកាណាដាទាំងមូល និង ដែលមិនកំរិតត្រឹមខេត្តគេបិចនិងអុងតារីយូប៉ុណ្ណោះទេ។ ហើយវិស័យដែលជាចំណាប់អារម្មណ៍ជាងគេ គឺវិស័យថាមពលដែលរួមមានប្រេងកាតនិងឧស្ម័ន (gaz de schiste) ជាពិសេសការស្រាវជ្រាវនិងការអភិវឌ្ឍន៍នៅក្នុងការទទួលបាននូវបច្ចេកវិទ្យាថ្មីក្នុងការចំរាញ់រ៉ែនិងថាមពល។ ម្យ៉ាងទៀតកិច្ចសហប្រតិបត្តិការក្នុងវិស័យកសិកម្មនិងកសិចំណីអារហារ ក៏នឹងត្រូវធ្វើឡើងរវាងមន្រ្តីជាន់ខ្ពស់នៃេខត្ត អាល់បែរតា និងនៃក្រុងប៉ារីសផងដែរ។
ចំណែកក្នុងវិស័យសិក្សាវិញ ប្រទេសកាណាដានិងប្រទេសបារាំងមានទំនាក់ទំនងដ៏ល្អ នៅថ្នាក់សាកលវិទ្យាល័យជាមួយនឹងមជ្ឈមណ្ឌលសិក្សាជាច្រើនរបស់កាណាដានៅប្រទេសបារាំង និងកិច្ចព្រមព្រៀងផ្លាស់ប្តូរនិស្សិតរាប់រយនាក់ក្នុងមួយឆ្នាំៗ រវាងស្ថាប័នឧត្តមសិក្សាកាណាដានិងបារាំង។
ម៉្យាងទៀតនិស្សិតបារាំងយ៉ាងច្រើន ធ្វើដំណើរទស្សនៈកិច្ចសិក្សាមកកាន់ប្រទេសកាណាដា ជារៀងរាល់ឆ្នាំ។ ចំណែកឯប្រទេសបារាំងវិញក៏គឺជាគោលដៅដ៏ពេញនិយមបំផុតសម្រាប់និស្សិតក្រោយមធ្យមសិក្សាកាណាដាផងដែរ។ ក្នុងវិស័យនេះ ចំណុចដ៏សំខាន់មួយ ដែលនឹងជាប្រធានបទពិភាក្សារវាង លោកប្រធានាធិបតីបារាំង និងនាយករដ្ឋមន្រ្តី ខេត្តគេប៊ិច Philippe Couillard នាថ្ងៃអង្គារ៍ ថ្ងៃចុងក្រោយនៃទស្សនៈកិច្ចផ្លូវរដ្ឋ គឺ ទាក់ទងនឹងការបង់ថ្លៃ អនុគ្រោះនៃនិស្សិតបារាំងមានចំនួនជាង ១២០០០ នាក់ ដែលកំពុងបន្តការសិក្សានៅសាកលវិទ្យាល័យនានាក្នុងខេត្តគេបិច។ ដោយសារថា រដ្ឋាភិបាលគេបិចបច្ចុប្បន្ន មានបំណងធ្វើសុខដុមកម្មនៃការបង់ថ្លៃសិក្សាសំរាប់និស្សិតបរទេសបារាំងនៅគេបិច ជាមួយនឹងនិស្សិត បរទេសនៅខេត្តដ៏ទៃទៀតនៃកាណាដា ដែលអាចនាំដល់ការតំឡើងថ្លៃសិក្សានិស្សិតបារាំងដល់ទៅបីដង ដែលបច្ចុប្បន្ននិសិ្សតបារាំងបង់ថ្លៃដូចគ្នានឹងនិស្សិតគេបិចដែរ តាមកិច្ចព្រមព្រៀងឆ្នាំ១៩៧៨។ លោក ហូឡង់នឹងស្នើសំុការបង់នៅរក្សាថ្លៃដដែលសំរាប់និស្សិតបារាំង។ គួររំលឹកផងដែរថាគេបិចនិងបារាំងកាលពីខែតុលាឆ្នាំ២០០៨ ក៏ធ្លាប់បានចុះ កិច្ចព្រមព្រៀងស្តីពីការទទួលស្គាល់គ្នាទៅវិញទៅមកនៃជំនាញវិជ្ជាជីវៈ ដូចជាមេធាវីនិងវេជ្ជបណ្ឌិតជាដើម៕
នៅថ្ងៃអង្គារ៍នេះផងដែរ សកម្មភាពជាច្រើនទៀតគ្រោងនឹងធ្វីក្នុងដំណើរទស្សនៈកិច្ចរបស់លោកប្រធានាធិបតីទៅកាន់ទីក្រុងគេបិច និងម៉ុងរ៉េអាល់ រួមបញ្ចូលទាំងកម្មវិធីនយោបាយ និងសេដ្ឋកិច្ចផងដែរ។
ទំនាក់ទំនងទ្វេភាគីបារាំងកាណាដាមានការចុះសម្រុងគ្នាក្នុងស្ទើរគ្រប់វិស័យទាំងអស់ ព្រោះថាប្រទេស កាណាដា គឺជាដៃគូដ៏សំខាន់មួយរបស់ប្រទេសបារាំង។ ទាំងវិស័យវប្បធម៌ ដោយសារតែហេតុផល ប្រវត្តិសាស្រ្តកន្លងមក និងចំណងមនោសញ្ចេតនារួមរបស់ប្រទេសទាំងពីរ។ ចំណែកវិស័យនយោបាយ មិនថានៅ អង្គការសហប្រជាជាតិ អង្គការនៃប្រទេសនិយាយភាសាបារាំង Francophonie អង្គការណាតូ ឬក្នុងក្របខណ្ឌនៃក្រុមប្រទេសសេដ្ឋកិច្ចអភិវឌ្ឍន៍ G8នោះទេ បារាំងនិងកាណាដាជារឿយៗ តែងតែបានបង្ហាញនូវគោលជំហរដូចគ្នា។ ឯផ្នែកសេដ្ឋកិច្ចវិញ ប្រទេសបារាំងគឺជាវិនិយោគិនធំជាងគេទីបីឬទីបួន អាស្រ័យតាមឆ្នាំ នៅក្នុងប្រទេសកាណាដា នេះបើតាមស្ថានទូតបារាំងប្រចាំនៅក្នុងរដ្ឋធានីអូតាវ៉ា។
ចំពោះទស្សនៈកិច្ចផ្លូវរដ្ឋរបស់ប្រធានាធិបតីហ្រ្វង់ស្វ័រហូឡង់មកកាណាដា នៅពេលនេះ អមដំណើរដោយ រដ្ឋមន្រ្តីប្រាំមួយរួមទាំងលោក Laurent Fabius រដ្ឋមន្ត្រីការបរទេសបារាំង និងគណៈប្រតិភូនៃ ពាណិជ្ជករ អ្នកវិទ្យាសាស្រ្តនិងប្រធានសាកលវិទ្យាល័យដ៏សំខាន់មួយចំនួន គឺជា ការឹតចំណងដ៏ល្អដែលមានស្រាប់ និងដោយផ្តោតជាពិសេសលើការអភិវឌ្ឍន៍នៃទំនាក់ទំនងសេដ្ឋកិច្ចនិងកិច្ចសហប្រតិបត្តិការសិក្សានិងវិទ្យាសាស្រ្ត។
ទស្សនៈកិច្ចផ្លូវការនេះ វានឹងជួយពង្រឹងទំនាក់ទំនងដែលមានសារៈសំខាន់រួចទៅហើយ ជាមួយនឹងការធ្វើពាណិជ្ជកម្មទ្វេភាគី ដល់ទៅ ៦,២២ ពាន់លានអឺរ៉ូ នៅក្នុងឆ្នាំ ២០១៣។ ដែលក្នុងនោះក្រុមហ៊ុន សហគ្រាសបារាំងមានចំនួនប្រមាណជាជាង៦៣០ ដែលភាគច្រើនស្ថិតនៅក្នុងខេត្តគេបិច (៤០០) បាននឹងកំពុងមានសកម្មភាពនៅលើទឹកដីកាណាដា។ ក៏ប៉ុន្តែទីកន្លែងសំចតដំបូងរបស់លោកហូឡង់ មិនមែននៅគេបិចទេ គឺនៅខេត្តអាល់បែរតា ផ្នែកខាងលិច នៃប្រទេសកាណាដាជាទីដែលការធ្វើអាជីវកម្មធនធានធម្មជាតិបាននឹងកំពុងលើកស្ទួយដល់កំនើនសេដ្ឋកិច្ចកាណាដា។ ការធ្វើទស្សនៈកិច្ចផ្លូវការរយៈពេលពីរថ្ងៃដំបូងអមដំណើរដោយប្រធានសហគ្រាសបារាំងជាង៤០ ក្នុងក្រុងកាល់ហ្ការីនៃខេត្តអាល់បែរតា ជាខេត្តសំបុកប្រេងកាតរបស់កាណាដាតាម ការអញ្ជើញរបស់លោកនាយករដ្ឋមន្ត្រី ស្ទីវិន ហាភឺ គឺជាសញ្ញាបញ្ជាក់ថា បារាំងកំពុងតែមានចំណាប់ អារម្មណ៍យ៉ាងខ្លាំងក្នុងការអភិវឌ្ឍន៍ចំណងសេដ្ឋកិច្ច និងនយោបាយជាមួយកាណាដាទាំងមូល និង ដែលមិនកំរិតត្រឹមខេត្តគេបិចនិងអុងតារីយូប៉ុណ្ណោះទេ។ ហើយវិស័យដែលជាចំណាប់អារម្មណ៍ជាងគេ គឺវិស័យថាមពលដែលរួមមានប្រេងកាតនិងឧស្ម័ន (gaz de schiste) ជាពិសេសការស្រាវជ្រាវនិងការអភិវឌ្ឍន៍នៅក្នុងការទទួលបាននូវបច្ចេកវិទ្យាថ្មីក្នុងការចំរាញ់រ៉ែនិងថាមពល។ ម្យ៉ាងទៀតកិច្ចសហប្រតិបត្តិការក្នុងវិស័យកសិកម្មនិងកសិចំណីអារហារ ក៏នឹងត្រូវធ្វើឡើងរវាងមន្រ្តីជាន់ខ្ពស់នៃេខត្ត អាល់បែរតា និងនៃក្រុងប៉ារីសផងដែរ។
ចំណែកក្នុងវិស័យសិក្សាវិញ ប្រទេសកាណាដានិងប្រទេសបារាំងមានទំនាក់ទំនងដ៏ល្អ នៅថ្នាក់សាកលវិទ្យាល័យជាមួយនឹងមជ្ឈមណ្ឌលសិក្សាជាច្រើនរបស់កាណាដានៅប្រទេសបារាំង និងកិច្ចព្រមព្រៀងផ្លាស់ប្តូរនិស្សិតរាប់រយនាក់ក្នុងមួយឆ្នាំៗ រវាងស្ថាប័នឧត្តមសិក្សាកាណាដានិងបារាំង។
ម៉្យាងទៀតនិស្សិតបារាំងយ៉ាងច្រើន ធ្វើដំណើរទស្សនៈកិច្ចសិក្សាមកកាន់ប្រទេសកាណាដា ជារៀងរាល់ឆ្នាំ។ ចំណែកឯប្រទេសបារាំងវិញក៏គឺជាគោលដៅដ៏ពេញនិយមបំផុតសម្រាប់និស្សិតក្រោយមធ្យមសិក្សាកាណាដាផងដែរ។ ក្នុងវិស័យនេះ ចំណុចដ៏សំខាន់មួយ ដែលនឹងជាប្រធានបទពិភាក្សារវាង លោកប្រធានាធិបតីបារាំង និងនាយករដ្ឋមន្រ្តី ខេត្តគេប៊ិច Philippe Couillard នាថ្ងៃអង្គារ៍ ថ្ងៃចុងក្រោយនៃទស្សនៈកិច្ចផ្លូវរដ្ឋ គឺ ទាក់ទងនឹងការបង់ថ្លៃ អនុគ្រោះនៃនិស្សិតបារាំងមានចំនួនជាង ១២០០០ នាក់ ដែលកំពុងបន្តការសិក្សានៅសាកលវិទ្យាល័យនានាក្នុងខេត្តគេបិច។ ដោយសារថា រដ្ឋាភិបាលគេបិចបច្ចុប្បន្ន មានបំណងធ្វើសុខដុមកម្មនៃការបង់ថ្លៃសិក្សាសំរាប់និស្សិតបរទេសបារាំងនៅគេបិច ជាមួយនឹងនិស្សិត បរទេសនៅខេត្តដ៏ទៃទៀតនៃកាណាដា ដែលអាចនាំដល់ការតំឡើងថ្លៃសិក្សានិស្សិតបារាំងដល់ទៅបីដង ដែលបច្ចុប្បន្ននិសិ្សតបារាំងបង់ថ្លៃដូចគ្នានឹងនិស្សិតគេបិចដែរ តាមកិច្ចព្រមព្រៀងឆ្នាំ១៩៧៨។ លោក ហូឡង់នឹងស្នើសំុការបង់នៅរក្សាថ្លៃដដែលសំរាប់និស្សិតបារាំង។ គួររំលឹកផងដែរថាគេបិចនិងបារាំងកាលពីខែតុលាឆ្នាំ២០០៨ ក៏ធ្លាប់បានចុះ កិច្ចព្រមព្រៀងស្តីពីការទទួលស្គាល់គ្នាទៅវិញទៅមកនៃជំនាញវិជ្ជាជីវៈ ដូចជាមេធាវីនិងវេជ្ជបណ្ឌិតជាដើម។
នៅថ្ងៃអង្គារ៍នេះផងដែរ សកម្មភាពជាច្រើនទៀតគ្រោងនឹងធ្វីក្នុងដំណើរទស្សនៈកិច្ចរបស់លោកប្រធានាធិបតីទៅកាន់ទីក្រុងគេបិច និងម៉ុងរ៉េអាល់ រួមបញ្ចូលទាំងកម្មវិធីនយោបាយ និងសេដ្ឋកិច្ចផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ