គណៈកម្មាធិការអូឡាំពិកមិនហាមប្រទេសរុស្ស៊ីទាំងមូល ពីការប្រកួតនៅប្រេស៊ីល
ចុះផ្សាយនៅថ្ងៃ៖
ស្តាប់ - ០៧:៤០
គណៈកម្មាធិការអូឡាំពិកអន្តរជាតិ CIO បានសម្រេចថា មិនឆូតឈ្មោះក្រុមអ្នកកីឡាជម្រើសរបស់ប្រទេសរុស្ស៊ីទាំងមូល ចេញពីការប្រកួតនៃល្បែងកីឡាអូឡាំពិកលើកទី៣១ ដែលនឹងប្រព្រឹត្តទៅនៅក្រុង Rio de Janeiro ប្រទេសប្រេស៊ីល ពីថ្ងៃ៥ ដល់២១សីហា ខាងមុខឡើយ ហើយប្រគល់សិទ្ធិអារកាត់អំពីវាសនាពួកអ្នកកីឡារុស្ស៊ីទៅក្នងដៃនៃ សហព័ន្ធអន្តរជាតិ ទៅតាមមុខកីឡានិមួយៗ។
សេចក្តីនេះត្រូវបានប្រកាសថ្ងៃ២៤កក្កដា នៅក្រុងLausanne ប្រទេសស្វ៊ីស ជាលទ្ធផលនៃ Phone-Conference ដោយលោកប្រធានគណៈកម្មាធិការអូឡាំពិកអន្តរជាតិ Thomas Bach ធ្វើឡើងជុំវិញអនុសាសន៍របស់ទីភ្នាក់ងារពិភពលោកប្រឆាំងការប្រើថ្នាំលើកកម្លាំងអ្នកកីឡាហៅកាត់ថា WADA ( World Anti Doping Agency ) ដែលចោទរុស្ស៊ីថា ក្នុងជាន់ថ្នាក់នយោបាយរដ្ឋតែម្តង បានប្រើថ្នាំលើកកម្លាំងបែបនេះ សម្រាប់ពួកអ្នកកីឡាខ្លួន ក្នុងល្បែងអូឡាំពិក នៅក្រុងរុស្ស៊ីSochi ឆ្នាំ២០១៤។
ម៉្លោះហើយបានជាការសម្រេចចិត្តនោះរបស់គណៈកម្មាធិការអូឡាំពិកអន្តរជាតិ CIO ញ៉ាំងឲ្យមានក្តីទោមនស្សន៍ក្រៃ ពីខាង WADA។ ប៉ុន្តែ ប្រតិកម្មពីខាងរុស្ស៊ី គឺវិជ្ជមានទេតើ ដោយចាត់ទុកការសម្រេចចិត្តនោះ ថា "ចេះថ្លឹងមុខ ថ្លឹងក្រោយ" ហើយ "សច្ចៈមិនលំអៀងទៅខាងណាៗ" ដែលជាប្រយោជន៍សម្រាប់កីឡានិងសម្រាប់ការឯកភាពនៃគ្រួសារកីឡា”។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ