ព្រឹត្តិការណ៍កម្ពុជាប្រចាំថ្ងៃ
ប្រាក់ឈ្នួលនៅតែជាបញ្ហាអាទិភាពដែលក្រុមសហជីពបន្តទាមទារឲ្យរដ្ឋាភិបាលដោះស្រាយ
ចុះផ្សាយនៅថ្ងៃ៖
ស្តាប់ - ១០:០៨
នៅថ្ងៃសុក្រទី០១ឧសភានេះ គឺទិវាពលកម្មអន្តរជាតិ។ នៅថ្ងៃនេះ ក្រសួងការងារ និងបណ្តុះបណ្តាលវិជ្ជាជីវៈ និងសហជីពកម្មករ រៀបចំការប្រារព្ធពិធីអបអរទិវានេះតាមបែបផ្សេងៗគ្នា។ សហជីពដែលតែងតែទាមទារដំឡើងប្រាក់ឈ្នួលដល់កម្មករ កម្មការិនីនាពេលកន្លងមកនោះ នៅតែបន្តលើកឡើងពីបញ្ហាប្រាក់ឈ្នួល។ ប្រាក់ឈ្នួល ដែលពួកគេចាត់ទុកថា គឺជារឿងសំខាន់ជាងគេដែលរដ្ឋាភិបាលត្រូវដោះស្រាយឲ្យកម្មករ កម្មការិនី។ ក្រសួងការងារ បានបញ្ជាក់ថា ការដោះស្រាយដំឡើងប្រាក់ឈ្នួលដល់កម្មករ កម្មការិនីនេះ គឺធ្វើឡើងជាដំណាក់កាល ហើយក្រសួងការងារមិនបានព្រងើយកន្តើយឡើយចំពោះរឿងនេះ។