ព្រឹត្តិការណ៍កម្ពុជាប្រចាំថ្ងៃ
រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។
អានអត្ថបទទាំងស្រុងស្តាប់វគ្គចុងក្រោយ
គ្រប់វគ្គទាំងអស់
-
12:04
-
តើកម្ពុជាគួរពន្យារពេលសាងសង់គម្រោងព្រែកជីកហ្វូណនសិន ឬយ៉ាងណា?
ថ្មីៗនេះ អ្នកជំនាញការវៀតណាមបានជំរុញឱ្យរដ្ឋាភិបាលវៀតណាមបន្តពិភាក្សាជាមួយកម្ពុជាដើម្បីពន្យារពេលសាងសង់គម្រោងព្រែកជីកហ្វូណនរបស់កម្ពុជា។ ការស្នើឱ្យពន្យារពេលបែបនេះធ្វើឡើង បន្ទាប់ពីអ្នកជំនាញការវៀតណាមយល់ថា ការសងសង់ព្រែកជីកយក្សកម្ពុជានឹងបង្កផលប៉ះពាល់ខ្លាំងដល់សេដ្ឋកិច្ច បរិស្ថាន និងសន្តិសុខក្នុងតំបន់ដែលទាមទារឱ្យកម្ពុជាត្រូវផ្តល់ព័ត៌មានពីផលប៉ះពាល់បន្ថែម។ ត្រង់ចំណុចនេះត្រូវបានអ្នកវិភាគ និងអ្នកនយោបាយគិតថា កម្ពុជាពុំចាំបាច់ពន្យារពេលណាមួយតបតាមការចង់បានរបស់វៀតណាមឡើយ ត្បិតនេះជាអធិបតេយ្យភាពរបស់កម្ពុជា និងថា វៀតណាមមិនអាចលូកលាន់ចូលកិច្ចការផ្ទៃក្នុងរបស់កម្ពុជាជាដាច់ខាត។ ចំណែកអ្នកនាំពាក្យរដ្ឋាភិបាលបញ្ជាក់ជំហរថា រដ្ឋាភិបាលកម្ពុជានឹងបន្តការពារផលប្រយោជន៍សេដ្ឋកិច្ចរបស់ជាតិ។25/04/202411:26 -
យុទ្ធសាស្ត្រ IF របស់លោក ហ៊ុន សែន នឹងទទួលបានជោគជ័យនៅទីបំផុត?
ក្នុងរយៈពេលចុងក្រោយនេះ គេបានសង្កេតឃើញអ្នកនយោបាយ ដែលស្និទ្ធនឹងលោក សម រង្ស៊ី រួមទាំងសកម្មជនប្រឆាំងមួយចំនួននៅក្រៅប្រទេសបានចាប់ផ្តើមធ្វើការសុំទោស លោក ហ៊ុន សែន ប្រធានព្រឹទ្ធសភា និងជាប្រធានគណបក្សកាន់អំណាច។ លោក មុំ អស្សនី សកម្មជនប្រឆាំងលោក ហ៊ុន សែន លោក គង់ សភា និងលោក ជា ប៉ូច អ្នកតំណាងរាស្ត្រអតីតគណបក្សសង្គ្រោះជាតិសុទ្ធសឹងជាអ្នកនយោបាយប្រឆាំង ដែលបានប្តូរជំហរឈប់វាយប្រហារលោក ហ៊ុន សែន និងត្រកូលហ៊ុន។ អ្នកនយោបាយប្រឆាំងទាំងអស់នេះ ត្រូវបានលោក ហ៊ុន សែន ស្វាគមន៍លើកលែងតែលោក សម រង្ស៊ី ម្នាក់គត់។ តើយុទ្ធសាស្ត្រដាក់ឲ្យលោក សម រង្ស៊ី នៅឯកោ និងដល់ទីបញ្ចប់ (IF)របស់លោក ហ៊ុន សែន នៅបន្តមានប្រសិទ្ធភាពដែរ ឬទេ?24/04/202413:04 -
អាមេរិកថាស្ថានភាពសិទ្ធិមនុស្សកម្ពុជាឆ្នាំ ២០២៣នៅតែអាក្រក់ តែកម្ពុជាថាមិនបានឆ្លុះបញ្ចាំងការពិត
របាយការណ៍របស់ក្រសួងការបរទេសអាមេរិកចេញផ្សាយនៅពេលថ្មីៗនេះបានកត់សម្គាល់ថា នៅក្នុងឆ្នាំ២០២៣ កម្ពុជាមិនមានការផ្លាស់ប្តូរអ្វីគួរឱ្យកត់សម្គាល់ទាល់តែសោះនៅក្នុងស្ថានភាពសិទ្ធិមនុស្ស។ របាយការណ៍ដដែលបានលើកឡើងពីការរំលោភសិទ្ធិមនុស្សដែលបានកើតមានធ្ងន់ធ្ងរ រួមមានការធ្វើទារុណកម្ម ឬអំពើឃោរឃៅអមនុស្សធម៌ ការព្យាបាទ ឬការដាក់ទណ្ឌកម្មដោយរដ្ឋាភិបាល និងតុលាការមិនឯករាជ្យ ការដាក់ទោសលើអ្នកទោស អ្នកនយោបាយ និងសកម្មជនសង្គម។ តែរដ្ឋាភិបាលកម្ពុជាអះអាងថា របាយការណ៍នេះមិនបានឆ្លុះបញ្ចាំងពីស្ថានភាពពិតរបស់កម្ពុជាទេ៕23/04/202411:33 -
12:27
-
តើវិស័យសុខាភិបាលនឹងប្រែប្រួលយ៉ាងណា បន្ទាប់ពីរដ្ឋដាក់ការវិនិយោគកន្លងមក និងពេលខាងមុខ?
នាយករដ្ឋមន្ដ្រីកម្ពុជា លោក ហ៊ុន ម៉ាណែត បានបញ្ជាក់ក្នុងវេទិកាសម្ពោធអគារវះកាត់មួយកន្លែងក្នុងក្រុងសៀមរាប កាលពីថ្ងៃទី២០ ខែមេសា ថាគិតមកដល់ពេលនេះ រដ្ឋបានចំណាយថវិកាជាង១៤០០លានដុល្លា សម្រាប់ពង្រឹងវិស័យសុខាភិបាល។ ការចំណាយនេះផ្ដោតលើកម្មវិធីជំនួយសង្គម ដូចជា ការជួយប្រជាពលរដ្ឋក្រីក្រ ប័ណ្ណសមធម៌សុខាភិបាល ជំងឺកូវីដ១៩ និងបញ្ហាហានិភ័យផ្សេងៗ។ បើតាមប្រមុខរដ្ឋាភិបាល កម្ពុជានៅមានកញ្ចប់ថវិការាប់រយលានដុល្លារទៀត សម្រាប់ពង្រឹងវិស័យសុខាភិបាល។21/04/202408:30 -
ហេតុអ្វីចរន្តចុះចូលរបស់អ្នកប្រឆាំងនៅតែបន្តកើតមាននៅក្រោយការបោះឆ្នោត?
អ្នកចេញមុខប្រឆាំងខ្លាំងៗទៅលើរដ្ឋាភិបាលកម្ពុជាបានបន្តចុះចូលជាមួយគណបក្សកាន់អំណាចបន្ថែមទៀតនៅប៉ុន្មានថ្ងៃចុងក្រោយនេះ ដើម្បីបានចេញ-ចូលកម្ពុជា និងរួចផុតពីការជាប់ទោស។ លោក ហ៊ុន សែន និង លោក ហ៊ុន ម៉ាណែត បានស្វាគមន៍អ្នកប្រឆាំងទាំងនោះ ដូចជា លោក មុំ អហ្សានី អតីតយោធាលំហសមុទ្រ និង លោក គង់ សភា អតីតតំណាងរាស្ត្របក្សប្រឆាំង និងជាអតីតជនរងគ្រោះដែលត្រូវ បាតុករវាយនៅមុខរដ្ឋសភា។ អ្នកតាមដានសភាពការណ៍នយោបាយ កត់សំគាល់ថា ការចុះចូលរបស់អ្នកប្រឆាំងខ្លះ ដោយសារតែភាពទាល់ច្រក និងអ្នកខ្លះដើម្បីចង់បានផលប្រយោជន៍។20/04/202415:04 -
តើជំនួបរវាងលោកហ៊ុន សែន និងសមាជិកព្រឹទ្ធសភាមកពីបក្សប្រឆាំងបង្កប់អត្ថន័យអ្វីខ្លះ?
លោកហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាដែលជាគណបក្សកាន់អំណាចបានជួបសន្ទនាជាមួយសមាជិកព្រឹទ្ធសភាមកពីបក្សប្រឆាំងចំនួន ៣រូប គឺលោកសុក ហាច លោកសេង ម៉ាឌី និងលោកគង់ មុនីកា។ តាមលោកហ៊ុន សែន ជំនួបសន្ទនានេះមានភាពស្មោះត្រង់ ស្និទ្ធស្នាល និងគោរពគ្នាទៅវិញទៅមកដែលធ្វើឲ្យលោកជឿជាក់ថា ព្រឹទ្ធសភានឹងដំណើការល្អ។ ប៉ុន្តែអ្នកវិភាគខ្លះវិញយល់ថា លោកហ៊ុន សែនមិនមានចេតនាល្អទេនៅក្នុងជំនួបសន្ទនានោះ៕19/04/202411:24 -
ចូលឆ្នាំខ្មែរ៖ហេតុអ្វីមានទេសចរដើរកម្សាន្ត២១លាននាក់ ខណៈពលរដ្ឋខ្មែរមានតែ១៧លាននាក់?
របាយការណ៍ស្តីពីចំនួនប្រជាពលរដ្ឋខ្មែរ និងភ្ញៀវទេសចរបរទេសដើរលេងកម្សាន្តនៅក្នុងពិធីបុណ្យចូលឆ្នាំខ្មែររយៈពេល៤ថ្ងៃ ពីថ្ងៃទី១៣ ដល់១៦ ខែមេសា ឆ្នាំ២០២៤ បង្ហាញថាមានចំនួនភ្ញៀវទេសចរសរុបជាង ២១លាននាក់។ តួលេខនេះបង្កឲ្យមានការជជែកគ្នាច្រើននៅក្នុងចំណោមមហាជន ខណៈដែលចំនួនពលរដ្ឋខ្មែរទូទាំងប្រទេសមានត្រឹមតែ ១៧លាននាក់ប៉ុណ្ណោះ។ ដូច្នេះសួរថា អ្វីទៅជាវិធីសាស្ត្រនៃការរាប់តួលេខចំនួនភ្ញៀវទេសចរក្នុងពេលបុណ្យចូលឆ្នាំរយៈពេល៤ថ្ងៃ និងថាតើតួលេខនេះអាចឆ្លុះបញ្ចាំងអ្វីខ្លះពីសក្តានុពលនៃភ្ញៀវទេសចរជាតិ និងអន្តរជាតិនៅក្នុងប្រទេសកម្ពុជា?18/04/202412:54 -
ហេតុអ្វីបុណ្យចូលឆ្នាំខ្មែរ២០២៤មានសន្ទុះខ្លាំងក្លា និងការចូលរួមពីពលរដ្ឋច្រើនជាងឆ្នាំមុនៗ?
ពិធីបុណ្យចូលឆ្នាំខ្មែរប្រពៃណីជាតិដែលមានរយៈពេល៤ថ្ងៃ ត្រូវបានបិទបញ្ចប់នៅថ្ងៃទី១៦ ខែមេសា ឆ្នាំ២០២៤។ ជាការកត់សម្គាល់ ពិធីបុណ្យចូលឆ្នាំខ្មែរឆ្នាំ២០២៤នេះ ត្រូវបានអ្នកតាមដានសង្គម និងប្រពៃណីវប្បធម៌ខ្មែរមើលឃើញដូចៗគ្នាថា មានសន្ទុះខ្លាំងក្លា និងមានការចូលរួមលេងកម្សាន្តពីពលរដ្ឋខ្មែរច្រើនជាងបណ្តាឆ្នាំមុនៗ។ តើការចូលរួមដ៏គគ្រឹកគគ្រេងរបស់ពលរដ្ឋខ្មែរឆ្នាំនេះ មានជាប់ពាក់ព័ន្ធនឹងរឿងជាតិនិយម និងការដាក់សង្ក្រាន្តរបស់ថៃទៅក្នុងបញ្ជីបេតិកភណ្ឌអរូបីរបស់អង្គការ UNESCO ឬយ៉ាងណា?17/04/202413:51 -
ហេតុអ្វីសហរដ្ឋអាមេរិកលូកដៃចូលគម្រោងព្រែកជីក «ហ្វូណនតេជោ»?
បន្ទាប់ពីកម្ពុជាប្រកាសពីគម្រោងព្រែកជីកពីតាកែវទៅកាន់សមុទ្រខេត្តកែបនៅចុងឆ្នាំ២០២៤ នេះ គេឃើញមានប្រតិកម្មមួយចំនួនបានធ្លាក់មកជាបន្តបន្ទាប់។ វៀតណាមដែលជាប្រទេសនៅកៀកនឹងគម្រោងព្រែកជីក«ហ្វូណនតេជោ» បានប៉ុនប៉ងរារាំងគម្រោងនេះក្រោមលេសពីការប៉ះពាល់ដល់បរិស្ថាន។ ចំណែកសហរដ្ឋអាមេរិកបានសម្តែងក្តីបារម្ភថា គម្រោងនេះអាចជា «ផ្លូវនាវាចរណ៍របស់កងយោធាជើងទឹកចិន»។ តែសម្រាប់កម្ពុជា រាល់ការលើកឡើងទាំងនេះសុទ្ធសឹងជាហេតុផលនយោបាយ៕16/04/202412:56 -
ចូលឆ្នាំថ្មី៖ បក្សប្រឆាំងប្រាថ្នាការផ្សះផ្សាជាតិ តែបក្សកាន់អំណាចថាមិនជជែកជាមួយក្រុមជ្រុលនិយម
នៅក្នុងឱកាសពិធីបុណ្យចូលឆ្នាំប្រពៃណីជាតិ រដ្ឋាភិបាលកម្ពុជា និងគណបក្សនយោបាយបានបញ្ចេញសារជូនពរជាហូរហែដល់ប្រជាពលរដ្ឋខ្មែរ ឲ្យជួបតែសុភមង្គល សិរីបវរគ្រប់ក្រុមគ្រួសារ។ គណបក្សប្រឆាំងវិញឆ្លៀតរំលេចពីសារនយោបាយរៀងៗខ្លួន ដែលប្រាថ្នាចង់ឃើញការដោះលែងអ្នកទោសនយោបាយដែលកំពុងជាប់ឃុំឃាំង ដើម្បីឲ្យពួកគេអាចមករួបរួមកម្លាំងតែមួយ ស្តារលទ្ធិប្រជាធិបតេយ្យនៅកម្ពុជាឡើងវិញ។ ក៏ប៉ុន្តែគណបក្សប្រជាជនកម្ពុជា ដែលជាគណបក្សកាន់អំណាចបានអះអាងថា ខ្លួនមិនជជែកជាមួយក្រុមអ្នកនយោបាយជ្រុលនិយមឡើយ។12/04/202414:49 -
តើកម្ពុជាអាចប្រឈមនឹងវៀតណាម ដោយសារគម្រោងព្រែកជីកហ្វូណនតេជោ?
គម្រោងព្រែកជីកហ្វូណនតេជោរបស់កម្ពុជាពីទន្លេមេគង្គទៅសមុទ្រប្រវែងសរុប ១៨០គីឡូម៉ែត្រ កំពុងបង្កឲ្យមានការព្រួយបារម្ភពីសំណាក់ប្រទេសវៀតណាមជាពិសេសរឿងបរិស្ថាន និងភូមិសាស្ត្រនយោបាយ។ តើគម្រោងការនេះនឹងធ្វើឲ្យកម្ពុជាអាចប្រឈមជាមួយប្រទេសវៀតណាមខាងនយោបាយ និងទំនាក់ទំនងមិត្តភាពរវាងប្រទេសទាំងពីរដែរឬទេ? សម្រាប់កម្ពុជា ការសម្រេចបានព្រែកជីកមួយ គឺដើម្បីបំរើដល់យុទ្ធសាស្ត្រសេដ្ឋកិច្ច ដឹកជញ្ជូន និងកសិកម្មរបស់ខ្លួនតែប៉ុណ្ណោះ។11/04/202414:18 -
តើការកាប់ឈើជាផ្នែកមួយនាំឲ្យមានការឡើងកម្តៅផែនដីដែរឬទេ?
ការឡើងកម្តៅផែនដីកំពុងបង្កផលវិបាកដល់មនុស្ស សត្វ និងធនធានជីវចម្រុះគ្រប់ប្រភេទ។ ផលវិបាកនៃការឡើងកម្តៅផែនដី កំពុងត្រូវបាន មនុស្សជាច្រើនស្វែងយល់ពីមូលហេតុ និងរកមុខអ្នកទទួលខុសត្រូវ។ មន្ត្រីបរិស្ថានកម្ពុជា អះអាងថា ការប្រែប្រួលអាកាសធាតុនេះ មិនមែនមកពីកម្ពុជាកាប់បំផ្លាញព្រៃឈើទេ។ ប៉ុន្តែបញ្ហានេះគឺបណ្តាលមកពីការដុតផូស៊ីលនៅប្រទេសឧស្សាហកម្មធំៗ។ សម្រាប់សកម្មជនបរិស្ថាន ការកាប់បំផ្លាញព្រៃឈើក៏ជាផ្នែកមួយនាំឲ្យមានការប្រែប្រួលអាកាសធាតុ។10/04/202410:05 -
វិវាទរវាងអាជ្ញាធរ និងគណបក្សប្រឆាំងជុំវិញការប្រើប្រាស់ទីលានប្រជាធិបតេយ្យ
គណបក្សកម្លាំងជាតិអះអាងថា ខ្លួននៅតែរក្សាជំហរដើម ក្នុងការជួបជុំគ្នា នៅទីលានប្រជាធិបតេយ្យដើម្បីទាមទារឲ្យដោះលែងអ្នកនយោបាយ២រូបដែលត្រូវអាជ្ញាធរចាប់ខ្លួន នាពេលកន្លងមកនេះ។ ការអះអាងរបស់គណបក្សកម្លាំងជាតិធ្វើឡើង បន្ទាប់ពីសាលារាជធានីភ្នំពេញសម្រេច មិនអនុញ្ញាតឲ្យគណបក្សប្រឆាំងនេះធ្វើបាតុកម្មនៅទីលានប្រជាធិបតេយ្យដើម្បីទាមទារដោះលែង លោក អ៊ុំ វីរៈរដ្ឋ និងលោក មឺ សេងហ៊ ហៅ គា វិសាល។ បើតាម អាជ្ញាធរក្រុង ការទាមទារនេះរបស់បក្សប្រឆាំងមិនត្រឹមត្រូវ ព្រោះសំណុំរឿងនេះកំពុងស្ថិតក្នុងនីតិវិធីរបស់តុលាការ។ តែមន្ត្រីសិទ្ធិមនុស្សលើកឡើងថា ភាគីទាំងពីរគួរមានការសម្របសម្រួលគ្នា។09/04/202410:16
ព្រឹត្តិការណ៍កម្ពុជាប្រចាំថ្ងៃ
រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។