អ្នកសហជីពគាំទ្រចំណាត់ការរបស់ក្រសួងការងារ ដែលហាមប្រាមដល់កម្មករឈប់សម្រាកពេលបុណ្យចូលឆ្នាំខ្មែរ
ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី០៩ ខែមេសា នេះ បានចេញវិធានការមួយចំនួន ដល់រោងចក្រ សហគ្រាស ដើម្បីការពារការឆ្លងវីរុសកូវីដ១៩ ក្នុងករណីដែលមានកម្មករឈប់សម្រាក ក្នុងឱកាសបុណ្យចូលឆ្នាំថ្មីខាងមុខនេះ។ សេចក្តីជូនដំណឹងនេះ គឺតម្រូវឲ្យកម្មករ និយោជិតត្រូវបន្តធ្វើការដូចថ្ងៃធម្មតានៅតាមរោងចក្រ សហគ្រាស គ្រឹះស្ថានរបស់ខ្លួន។ ករណីកម្មករនិយោជិតណាម្នាក់ឈប់សម្រាកក្នុងអំឡុងពេលនេះដោយឯកឯង នោះគេនឹងត្រូវដាក់ក្នុងវិធានចត្តាឡីស័កសុខាភិបាលរយៈពេល១៤ថ្ងៃ មុនចូលបំពេញការងារវិញ និងមិនទទួលបានប្រាក់ឈ្នួល ក្នុងរយៈពេលធ្វើចត្តាឡីស័កនេះឡើយ។ ករណីដូចគ្នានេះដែរ តែមានការអនុញ្ញាតពីនិយោជក នោះកម្មករនិយោជិត នឹងទទួលបានប្រាក់ឈ្នួលក្នុងរយៈពេលចត្តាឡីស័ក១៤ថ្ងៃ។ ដោយឡែក លោក ប៉ាវ ស៊ីណា ប្រធានសហភាពចលនាកម្មករ បានសម្តែងនូវការគាំទ្រដល់ចំណាត់ការរបស់ក្រសួងការងារ និងស្នើសុំការយោគយល់ពីកម្មករផងដែរ។
ចុះផ្សាយនៅថ្ងៃ៖
ស្តាប់ - ០១:៤៥
