ក្រសួងវប្បធម៌កំពុងស្រាវជ្រាវបឋមករណីថៃសង់ប្រាសាទសង្ស័យថាយកគំរូតាមប្រាសាទអង្គរវត្តរបស់ខ្មែរ
ការសង់ប្រាសាទនៅក្នុងវត្តមួយ នៃខេត្តបុរីរម្យ របស់ថៃ ដែលមានការសង្ស័យថាបានចម្លងតាមរចនាបថប្រាសាទអង្គរវត្តរបស់កម្ពុជា ត្រូវបានបណ្តាញសង្គមហ្វេសប៊ុក ក្នុងប្រទេសកម្ពុជា លើកមកជជែកគ្នាយ៉ាងផុលផុស។ ពលរដ្ឋខ្មែរជាច្រើនបានសម្តែងនូវការព្រួយបារម្ភ និងស្នើឲ្យអាជ្ញាធរខ្មែរ ចាប់អារម្មណ៍ សួរនាំរកខុសត្រូវ ឬក៏ចាត់វិធានការតាមច្បាប់អន្តរជាតិណាមួយ ប្រសិនបើមានការចម្លងតាមរចនាបថប្រាសាទអង្គរវត្តខ្មែរ ពិតប្រាកដមែន។ ភ្លាមៗ ក្រោយពីទទួលដំណឹងពីការសាងសង់ប្រាសាទ ដែលមានការសង្ស័យថាចម្លងតាមរចនាបថប្រាសាទអង្គរវត្តរបស់កម្ពុជា ក្រសួងវប្បធម៌បានចាប់ផ្តើមធ្វើការនេះភ្លាម មិនបង្អង់យូរឡើយ។ នេះបើតាមលោក ឡុង ប៉ុណ្ណាស៊ីរីវត្ថ រដ្ឋលេខាធិការ និងជាអ្នកនាំពាក្យក្រសួងវប្បធម៌ និងវិចិត្រសិល្បៈ។ អ្នកនាំពាក្យរូបនេះ បញ្ជាក់ថាជំហានបឋម ក្រសួងវប្បធម៌ បានចាត់ចែងឲ្យអាជ្ញាធរជាតិអប្សរា និងស្ថានទូតកម្ពុជាប្រចាំប្រទេសថៃ និងស្ថានកុងស៊ុលខ្មែរប្រចាំខេត្តស្រះកែវរបស់ថៃស្រាវជ្រាវ និងប្រមូលព័ត៌មានជាបន្ទាន់ជាពិសេសទៅលើលក្ខណៈបច្ចេកទេស និងប្លង់គោលជាដើម។
ចុះផ្សាយនៅថ្ងៃ៖
សូមស្តាប់ប្រសាសន៍ លោក ឡុង ប៉ុណ្ណាស៊ីរីវត្ថ រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ