“កេរ្តិ៍ដំណែលស្នាដៃម្ហូបខ្មែរ”ទទួលរង្វាន់ជាសៀវភៅអាស៊ីល្អជាងគេ
សៀវភៅមុខម្ហូបខ្មែរ ដែលមានឈ្មោះថា កេរ្តិ៍ដំណែលស្នាដៃម្ហូបខ្មែរ ឬជាភាសាអង់គ្លេសហៅថា The Taste of Angkor បានទទួលរង្វាន់ ក្នុងប្រភេទ សៀវភៅអាស៊ីល្អផ្តាច់គេ នៅក្នុងការប្រកួតពានរង្វាន់ហ្គ័រម៉ង់ សៀវភៅមុខម្ហូបពិភពលោកប្រចាំ ឆ្នាំ២០២១ ដែលមានការចូលរួមរបស់សៀវភៅប្រមាណ ៤០០០ច្បាប់ មកពីប្រទេសចំនួន១៩៨។ ការប្រកាសជ័យលាភី ត្រូវបានធ្វើឡើង នៅរសៀលថ្ងៃអង្គារទី៣០វិច្ឆិកា នៅទីក្រុងប៉ារីស បន្ទាប់ពីគណៈមេប្រយោគអន្តរជាតិរបស់ស្ថាប័នពានរង្វាន់ ហ្គ័រម៉ង់ សៀវភៅមុខម្ហូបពិភពលោក បានជ្រើសរើសសៀវភៅ “កេរ្តិ៍ដំណែលស្នាដៃម្ហូបខ្មែរ” សម្រាប់រង្វាន់ “សៀវភៅអាស៊ីល្អផ្តាច់គេ”។ តាមសេចក្តីប្រកាសព័ត៌មានរបស់ស្ថានទូតកម្ពុជាប្រចាំប្រទេសបារាំង សៀវភៅ កេរ្តិ៍ដំណែលស្នាដៃម្ហូបខ្មែរ ត្រូវបានសម្រិតសម្រាំងនិងចងក្រោយដោយក្រសួងការបរទេសនិងសហប្រតិបត្តិការអន្តរជាតិ កម្ពុជា។ នៅក្នុងពិធីប្រគល់រង្វាន់ កាលពីថ្ងៃម្សិលមិញ គេឃើញមានវត្តមានរបស់រដ្ឋមន្រ្តីប្រតិភូអមនាយករដ្ឋមន្រ្តី លោកឆែម គាតរិទ្ធី និងឯកអគ្គរាជទូត កម្ពុជា ប្រចាំប្រទេសបារាំង លោកកេត សោផាន់ ដែលជាអ្នកឡើងទៅទទួលរង្វាន់ពីស្ថាបនិកពានរង្វាន់ហ្គ័រម៉ង់ លោក អេឌ័រ គ័ងត្រូ។ យើងស្តាប់លោកកេត សោផាន់ ដែលឈាង បុប្ផា បានជួបសម្ភាសន៍ នៅទីក្រុងប៉ារីស។
ចុះផ្សាយនៅថ្ងៃ៖
ស្តាប់ - ០២:១៥
