កម្ពុជាត្រៀម៣៣ប្រភេទកីឡា ដើម្បីចូលរួមស៊ីហ្គេមនៅវៀតណាម នៅខែឧសភាខាងមុខ
រដ្ឋាភិបាលវៀតណាមបានសម្រេចកាលពីពេលថ្មីៗនេះហើយថា នឹងរៀបចំការប្រកួតកីឡាអាស៊ីអាគ្នេយ៍(Sea Games) នៅខែឧសភាឆ្នាំ២០២២នេះ ដោយមិនខ្វល់ថាប្រទេសនេះបានផ្ទុះឆ្លងកូវីដ-១៩ ឬយ៉ាងណាទេ។ ដោយឡែកប្រទេសកម្ពុជាក៏បានត្រៀមលក្ខណៈរួចរាល់ហើយដែរ ថានឹងចូលរួមចំនួន៣៣ប្រភេទកីឡា ក្នុងចំណោម៤០ប្រភេទកីឡាដែលប្រទេសម្ចាស់ផ្ទះដាក់ឲ្យប្រកួតប្រជែងជាផ្លូវការ។ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ បានប្រាប់វិទ្យុបារាំង RFI នៅថ្ងៃនេះថា ការចូលរួមរបស់កីឡាករ កីឡាការិនីកម្ពុជា នៅស៊ីហ្គេមលើកទី៣១ ប្រទេសវៀតណាមពេលនេះ គឺជាកំរិតវាស់ស្ទង់ដ៏សំខាន់ ខណៈកម្ពុជានឹងធ្វើជាម្ចាស់ផ្ទះរៀបចំកីឡាស៊ីហ្គេមបន្តពីវៀតណាមនៅឆ្នាំក្រោយ។
ចុះផ្សាយនៅថ្ងៃ៖
សូមស្តាប់លោក វ៉ាត់ ចំរើន៖
សូមរំលឹកថា កាលពីចុងខែធ្នូ ឆ្នាំកន្លងទៅ វៀតណាមបានរារែកក្នុងការរៀបចំការប្រកួតកីឡាស៊ីហ្គេម ដោយសារតែការរាតត្បាតនៃជំងឺកូវីដនៅក្នុងប្រទេសនេះ កាន់តែធ្ងន់ធ្ងរទៅៗ។ ក៏ប៉ុន្តែទីបំផុតរដ្ឋាភិបាលវៀតណាមក៏បានសម្រេចរៀបចំការប្រកួតដ៏សំខាន់នេះ ដោយយកគំរូតាមការប្រកួតកីឡាអូឡាំពិកនៃប្រទេសជប៉ុន ដែលបានបញ្ចប់ទៅដោយជោគជ័យកាលពីឆ្នាំកន្លងទៅ។ សូមបញ្ជាក់ថាមកទល់ថ្ងៃម្សិលមិញនេះ ប្រទេសវៀតណាមមានអ្នកឆ្លងកូវីដថ្មីចំនួនជាង១៥ ០០០នាក់ និងស្លាប់ជាង៤០នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ