គណៈកម្មាធិកាជាតិអូឡាំពិកកម្ពុជា នឹងដាក់កម្រិតការដើរហើររបស់កីឡាករជម្រើសជាតិ ដើម្បីត្រៀមប្រកួតស៊ីហ្គេមនៅវៀតណាម
គណៈកម្មាធិកាជាតិអូឡាំពិកកម្ពុជានៅព្រឹកថ្ងៃទី០៣ មីនានេះបានបញ្ជាក់ប្រាប់វិទ្យុបារាំងអន្តរជាតិ RFIថា គណៈកម្មាធិកានឹងដាក់កំហិតការដើរលេងរបស់កីឡាករជម្រើសជាតិទាំងអស់មុនពេលចេញដំណើរទៅចូលរួមប្រកួតកីឡាស៊ីហ្គេមឆ្នាំ២០២២ នៅប្រទេសវៀតណាម។ ការដាក់បម្រាមបែបនេះ ធ្វើឡើងដើម្បីការពារសុវត្ថិភាពរបស់កីឡាករ និងកីឡាកានិរី ពីការឆ្លងមេរោគកូវីដ១៩ ខណៈប្រទេសវៀតណាមដែលជាម្ចាស់ផ្ទះរៀបចំព្រឹត្តិការណ៍កីឡាស៊ីហ្គេមលើកទី៣១ កំពុងរងផលប៉ះពាល់ពីវិបត្តិជំងឺកូវីដ១៩នេះ។ ជាក់ស្តែង លោក លោក វ៉ាត់ ចំរើន អគ្គលេខាធិការ គណៈកម្មាធិការ ជាតិ រៀបចំការប្រកួត កីឡា អាស៊ីអាគ្នេយ៍ លើកទី ៣២ ហៅកាត់ថា CAMSOC បានលើកឡើងថា កីឡាករ-កីឡាកានិរី ទាំងអស់នឹងត្រូវ ដាក់កម្រិតការដើរលេង ដោយត្រូវផ្អាកការជួបជុំ ត្រូវពិនិត្យសុខភាពឱ្យបានទៀងទាត់ និងតម្រូវឱ្យធ្វើតេស្តរកមេរោគកូវីដ១៩ បន្ទាប់ពីកីឡាករទាំងអស់ត្រឡប់មកពីជួបជុំគ្រួសារនាឱកាសពិធីបុណ្យចូលឆ្នាំខ្មែរវិញ។ បើតាម លោក វ៉ាត់ ចំរើន សហព័ន្ធក៏នឹងត្រៀមសម្ភារៈ និងឧបករណ៍បរិក្ខារមួយចំនួនដើម្បីធានាសុវត្ថិភាពដល់កីឡាករផងដែរ ខណៈកម្ពុជានឹងមិនកាត់បន្ថយចំនួនអត្តពលិកនោះទេ។
ចុះផ្សាយនៅថ្ងៃ៖
សូមស្តាប់ប្រសាសន៍របស់លោក វ៉ាត់ ចំរើន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ