កម្ពុជាសោកស្តាយដែលម្ចាស់មេដាយមាសកីឡាអាស៊ី និងស៊ីហ្គេម ខាន់ ចេសា មិនអនុញ្ញាតឲ្យប្រកួត
ប្រទេស និងប្រជាជនកម្ពុជាទាំងមូលសម្តែងការសោកស្តាយយ៉ាងខ្លាំង ដែលកីឡាការិនី Jujitsu ខាន់ ចេសា មិនអាចចូលរួមប្រកួតលើវិញ្ញាសារកីឡាប្រយុទ្ធនេះបាន ដោយសារតែលើសទម្ងន់បន្តិចបន្តួច។ នៅក្នុងព្រឹត្តិការណ៍ SEA Games លើកទី៣១ នៅទីក្រុងហាណូយ ប្រទេសវៀតណាម ខាន់ ចេសា ជាកីឡាការរិនីកូនខ្មែរមួយរូបរស់នៅសហរដ្ឋអាមេរិក បានចុះឈ្មោះចូលប្រកួតវិញ្ញាសារកីឡាJujitsu ប្រភេទទម្ងន់៤៨គីឡូក្រាម។ ក៏ប៉ុន្តែនៅពេលថ្លឹងទម្ងន់ កីឡាការិនីដែលចូលរួមប្រកួតក្នុងនាមទង់ជាតិកម្ពុជារូបនេះ បានលើសទម្ងន់កំណត់ចំនួន ២៤០ក្រាម ឬជាង២ខាំ ជាហេតុនាំឲ្យការចូលរួមប្រកួតរបស់ចេសា ត្រូវបានផាត់ចេញដោយគណៈកម្មការបច្ចេកទេស។ ទោះយ៉ាងណាកម្ពុជាបានស្នើសុំភ្លាមៗឲ្យកីឡាការិនីឆ្នើមរបស់ខ្លួនបានចូលរួមប្រកួតប្រភេទទម្ងន់៦២គីឡូក្រាមវិញ ក៏ប៉ុន្តែត្រូវបានបដិសេធ ដោយសារមិនបានចុះឈ្មោះជាមុន។ នេះបើតាមលោក វ៉ាត់ ចំរើន នាយបេសកកម្មប្រតិភូកីឡាកម្ពុជា។ លោកថា បញ្ហានេះជារឿងគួរឲ្យសោកស្តាយមួយ និងជាបទពិសោធន៍មួយ សម្រាប់កម្ពុជាផងដែរ។ សូមស្តាប់លោក វ៉ាត់ ចំរើន៖
ចុះផ្សាយនៅថ្ងៃ៖
Vath Chamroeun quote
សូមបញ្ជាក់ថា កីឡាការិនី ខាន់ ចេសា ម្ចាស់មេដាយមាសនៅ Asian Games ២០១៨ នៅទីក្រុង ឥណ្ឌូនេស៊ី និង SEA Games ២០១៩ នៅហ្វីលីពីន ត្រូវបានចាត់ទុកថាជាកីឡាការិនីដែលមានសក្តានុពលក្នុងការដណ្តើមយកមេដាយមាសនៅក្នុង SEA Games លើកទី៣១ នាប្រទេសវៀតណាមនេះ។ ការខកខានប្រកួតរបស់កីឡាការិនីខាន់ចេសាត្រូវបានអ្នកតាមដានកីឡាមើលឃើញថា ជាការបាត់បង់មេដាយសំខាន់មួយរបស់កម្ពុជានៅក្នុងឱកាសនៃការប្រកួតស៊ីហ្គេមនៅទីក្រុងហាណូយលើកនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ