កម្ពុជានឹងសាងសង់សាលាជាតិវិជ្ជាជីវៈទេសចរណ៍ដំបូងគេចំនួន២ទីតាំងជាហិរញ្ញប្បទាន AFD
កម្ពុជានឹងរៀបចំសាងសង់សាលាជាតិវិជ្ជាជីវៈទេសចរណ៍ដំបូងគេចំនួន ២ទីតាំង ពោលគឺនៅរាជធានីភ្នំពេញ និងនៅខេត្តព្រះសីហនុ គ្រោងចំណាយថវិកាចំនួន ១១លានអឺរ៉ូ ដែលជាហិរញ្ញប្បទានឥណទានពីទីភ្នាក់ងារបារាំងសម្រាប់ការអភិវឌ្ឍ AFD។ បើតាមក្រសួងទេសចរណ៍សាលាជាតិវិជ្ជាជីវៈទេសចរណ៍នេះ នឹងដើរតួនាទីក្នុងការអភិវឌ្ឍជំនាញទេសចរណ៍ ក៏ដូចជាការកសាងនូវធនធានមនុស្សបន្ថែមទៀត សម្រាប់ការចូលរួមក្នុងការស្ដារវិស័យទេសចរណ៍នៅកម្ពុជាឲ្យមានគុណភាព និងមានភាពប្រកួតប្រជែង បន្ទាប់ពីវិបត្តិជំងឺកូវីដ-១៩។
ចុះផ្សាយនៅថ្ងៃ៖
ស្តាប់ - ០១:៤៦
សាលាជាតិវិជ្ជាជីវៈទេសចរណ៍ដំបូងគេនៅរាជធានីភ្នំពេញ បានបើកការដ្ឋានសាងសង់នៅថ្ងៃទី២៤ ខែវិច្ឆិកានេះ។ បើតាមក្រសួងទេចរណ៍ អគារសាលាជាតិវិជ្ជាជិវៈទេសចរណ៍នេះ អាចដាក់សិស្សបានប្រមាណ ៦០០នាក់ បន្ទាប់ពីសំណង់អគារសាលាត្រូវបានសាងសង់រួចរាល់។ សាលាគ្រោងនឹងទទួលសិស្សចុះឈ្មោះចូលរៀនជំនាញវិជ្ជាជីវៈទេសចរណ៍ និងវគ្គផ្សេងៗទៀតនៅឆ្នាំសិក្សា ២០២៤-២០២៥ ចំនួន ៣០០នាក់នៅភ្នំពេញ។
ក្រសួងទេសចរណ៍ បានគូសបញ្ជាក់ថា សាលាជាតិវិជ្ជាជីវៈទេសចរណ៍នឹងដាក់ចេញកម្មវិធី បណ្តុះបណ្តាលជំនាញវិជ្ជាជីវៈទេសចរណ៍ចំនួន ០៤ផ្នែក សំខាន់ៗរួមមាន៖ (១) ផ្នែកសេវាកម្មសណ្ឋាគារ និងសេវាកម្មស្នាក់នៅទេសចរណ៍ (២)ផ្នែកសេវាកម្មម្ហូបអាហារ និងភេសជ្ជៈ (៣) ផ្នែកសេវាកម្មធ្វើ ដំណើរ និង(៤) ផ្នែកសេវាកម្មទេសចរណ៍។
លោក តុប សុភ័ក អ្នកនាំពាក្យក្រសួងទេសចរណ៍ បានបញ្ជាក់ថា សាលាជាតិវិជ្ជាជីវៈទេសចរណ៍នេះ បានដួរតួនាទីយ៉ាងសំខាន់ ក្នុងការអភិវឌ្ឍជំនាញទេសចរណ៍ ក៏ដូចជាការកសាងនូវធនធានមនុស្សបន្ថែមទៀត សម្រាប់ការចូលរួមក្នុងការស្ដាវិស័យទេសចរណ៍នៅកម្ពុជាឲ្យមានគុណភាព និងមានភាពប្រកួតប្រជែងជាលំដាប់ប្រកបដោយចីរភាព បន្ទាប់ពីវិបត្តិជំងឺកូវីដ-១៩។
គួរបញ្ជាក់ថា រដ្ឋាភិបាលគ្រោងនឹងសង់សាលាជាតិវិជ្ជាជីវៈទេសចរណ៍ដំបូងគេចំនួន ២ទីតាំង គឺនៅរាជធានីភ្នំពេញ និងនៅខេត្តព្រះសីហនុ ដោយចំណាយថវិកាសរុបចំនួន១១លានអឺរ៉ូ ដែលជាហិរញ្ញប្បទានឥណទានពីទីភ្នាក់ងារបារាំងសម្រាប់ការអភិវឌ្ឍ (AFD)។ សម្រាប់សិស្សដែលមកសិក្សាសាលាជាតិវិជ្ជាជីវៈទេសចរណ៍នេះ កម្រិត៣ រៀនរយៈពេល១ឆ្នាំ និងឌីប្លូមកម្រិតខ្ពស់រៀនរយៈពេល២ឆ្នាំ និងមានវគ្គបណ្តុះបណ្តាលបន្ត និងខ្លី និងជាមជ្ឈមណ្ឌលវាយតម្លៃស្របតាមស្តង់ដាជាតិ និងអាស៊ានផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ