លោក ចាន់ យុត្ថា៖ តំបន់ខ្លះចុះត្រជាក់ដល់១៣អង្សារសេ ហើយអាកាសធាតុបែបនេះនឹងកើតមានម្តងទៀតនៅខែមករា ឆ្នាំ២០២៣
អាកាសធាតុនៅក្នុងប្រទេសកម្ពុជាបានចុះត្រជាក់រយៈពេលប៉ុន្មានថ្ងៃនេះដល់ជាង ១០អង្សារសេ ដោយសារទ្រនុងសម្ពាធខ្ពស់ពីប្រទេសចិនបានធ្លាក់យ៉ាងគំហុកមកក្រោម ជាមួយនឹងខ្យល់មូសុងបក់ក្នុងល្បឿនខ្លាំង។ លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧត្តុនិយម បានប្រាប់វិទ្យុ RFI នៅថ្ងៃនេះថា អាកាសធាតុនៅតំបន់មួយចំនួនដូចជាតំបន់ជួរភ្នំបានចុះត្រជាក់រហូតដល់១៣អង្សារសេ ពោលគឺសីតុណ្ហភាពត្រជាក់ខ្លាំងចាប់ពីចំណុចខេត្តកំពង់ធំឡើងទៅផ្នែកខាងលើ។ លោកថា សីតុណ្ហភាពនឹងងើបឡើងវិញបន្តិចក្នុងប៉ុន្មានថ្ងៃខាងមុខ ក៏ប៉ុន្តែតំបន់ជួរភ្នំ តំបន់ខ្ពង់រាប និងតំបន់ទំនាបកណ្តាលភាគពាយ័ព្យនៅតែបន្តត្រជាក់រហូតដល់ដំណាច់ខែធ្នូនេះ។ ប្រឈមនឹងបញ្ហាអាកាសធាតុ ដែលមិនមែនជាទំលាប់របស់ប្រទេសកម្ពុជានោះ ក្រសួងធនធានទឹក ក៏ដូចជាគណៈកម្មាធិការជាតិគ្រប់គ្រងគ្រោះមហន្តរាយ អះអាងថាគេនៅមិនទាន់មានសេចក្តីរាយការណ៍ពីផលប៉ះពាល់ធ្ងន់ធ្ងរដល់អាយុជីវិតមនុស្សនៅឡើយ។
ចុះផ្សាយនៅថ្ងៃ៖
សូមស្តាប់លោក ចាន់ យុត្ថា៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ