អាជ្ញាធរខេត្តសៀមរាប៖ ការអនុញ្ញត្តិឱ្យអ្នកជួបជុំក្នុងចម្ការលោក ខឹម វាសនា យកស្បៀងចូល មិនមែនជាការលើកទឹកចិត្តឱ្យបន្តជួបជុំទេ
អាជ្ញាធរខេត្តសៀមរាបបានអនុញ្ញាត្តិឱ្យអ្នកជួបជុំក្នុងចម្ការលោក ខឹម វាសនា នៅក្បែរភ្នំគូលែន យកស្បៀងអាហារចូល តាមសំណើរបស់លោក នី ចាន់ពិនិត្យ ដែលជាម្ចាស់ទីតាំង បន្ទាប់ពីពួកគេគាត់បន្ថយចំនួនអ្នកជួបជុំតាមការបង្គាប់របស់អាជ្ញាធរ។ លោក លី វណ្ណៈ នាយករដ្ឋបាល និងជាអ្នកនាំពាក្យសាលាខេត្តសៀមរាប បានប្រាប់វិទ្យុបារាំងអន្តរជាតិ RFI នៅថ្ងៃទី៨ ខែមករានេះថា ការអនុញ្ញត្តិនេះ មិនមែនជាការលើកទឹកចិត្តឱ្យបន្តជួបជុំនោះទេ គឺផ្អែកតាមគោលការណ៍មនុស្សធម៌តែប៉ុណ្ណោះ ដោយសារតែអ្នកជួបជុំក្នុងនោះមានទាំងស្ត្រីនិងកុមារផង។
ចុះផ្សាយនៅថ្ងៃ៖
សូមស្ដាប់ការលើកឡើងរបស់លោក លី វណ្ណៈ
គួរជម្រាបជូនថា កាលពីចុងខែធ្នូ ឆ្នាំ2022 អាជ្ញាធរខេត្តសៀមរាប បានដាក់បទបញ្ជាជាថ្មី ឲ្យអ្នកជួបជុំនៅដីចម្ការរបស់លោក ខឹម វាសនា ត្រូវតែបំបែកការជួបជុំ និងត្រលប់ទៅផ្ទះសម្បែងរៀងៗខ្លួនវិញ ព្រោះការជួបជុំកន្លងមកនេះ ពុំមានការអនុញ្ញាតពីអាជ្ញាធរនោះឡើយ។ ទោះជាការប្រមូលផ្ដុំរបស់ប្រមុខគណបក្ស LDP ត្រូវបានអាជ្ញាធរបង្គាប់ឱ្យបំបែកជាច្រើនដងហើយ ក៏ប៉ុន្តែនៅមិនទាន់រំសាយទាំងស្រុង តាំងពីចុងខែសីហា មក ពោលការជួបជុំនេះ មានរយៈពេលជិត ៥ខែហើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ