លោក ហ៊ុន សែន ផ្តល់ការឧបត្ថម្ភបន្តការសិក្សា និងជួយបង់ធនាគារដល់សិស្សនិទ្ទេសA អន ផានិត
លោក ហ៊ុន សែន អតីតនាយករដ្ឋមន្ត្រី នៅថ្ងៃទី២៩ ខែវិច្ឆិកានេះ បានប្រកាសចេញពីកន្លែងហាត់ប្រាណតាមបណ្តាញទំនាក់ទំនងសង្គមតេឡេក្រាម ដោយប្រាប់ឲ្យមន្ត្រីរបស់លោកយកសិស្សដែលប្រលងជាប់និទ្ទេស A នៅក្នុងសម័យប្រលងសញ្ញាបត្រទុតិយភូមិ(បាក់ឌុប)កាលពីពេលថ្មីៗនេះពីខេត្តកំពតមកភ្នំពេញ ដើម្បីផ្គត់ផ្គង់ឲ្យរៀនបន្តនៅឧត្តមសិក្សា។ តាមរយៈសម្លេងហត់ៗ ប្រធានក្រុមឧត្តមប្រឹក្សាផ្ទាល់ព្រះមហាក្សត្ររូបនេះ បានចាត់ចែងឲ្យមនុស្សជំនិតការងាររបស់លោកយកសិស្សនិទ្ទេស A អន ផានិត ដែលមានឪពុក ម្តាយ ជាជនពិការមកឲ្យស្នាក់នៅជាមួយទីតាំងអង្គរក្ស ផ្គត់ផ្គង់ការរៀនសូត្របន្ត ផ្គត់ផ្គង់មធ្យោបាយធ្វើដំណើរ ជួយផ្គត់ផ្គង់គ្រួសារ និងជួយបង់សងប្រាក់ជំពាក់ធនាគារដល់ផងដែរ។ សូមបញ្ជាក់ថាបន្ទាប់ពីប្រលងជាប់និទ្ទេស A យុវសិស្ស អន ផានិត ដែលនៅក្នុងគ្រួសារមានជីវភាពក្រីក្របំផុតនោះ ត្រូវបានប្រព័ន្ធផ្សព្វផ្សាយ និងបណ្តាញសង្គមនានា ធ្វើការផ្សព្វផ្សាយយ៉ាងព្រោងព្រាធពីការតស៊ូរៀនសូត្ររបស់យុវសិស្សរូបនេះ ដោយបង្ហាញពីការខ្វះខាតសព្វបែបយ៉ាង។ សូមស្តាប់ប្រសាសន៍លោក ហ៊ុន សែន៖
ចុះផ្សាយនៅថ្ងៃ៖
ស្តាប់ - ០១:៤០