ខេត្តព្រះសីហនុជាប់លេខ១ ដែលរៀបចំបុណ្យឆ្លងឆ្នាំល្អជាងគេ
ក្រសួងទេសចរណ៍ឲ្យចំណាត់ថ្នាក់ខេត្តព្រះសីហនុជាប់លេខ១ ក្នុងការប្រកួតប្រជែងទីក្រុង ដែលមានពិធីបុណ្យឆ្លងឆ្នាំសកលល្អជាងគេប្រចាំឆ្នាំ ដែលរៀបចំឡើងកាលពីថ្ងៃទី៣១ធ្នូ២០២៣។ ចំណែកខេត្តបាត់ដំបងជាប់ចំណាត់ថ្នាក់លេខ២ និងខេត្តសៀមរាប ជាប់ចំណាត់ថ្នាក់លេខ៣។ ចំណាត់ថ្នាក់នេះគឺផ្តោតទៅលើការតុបតែងរចនាលម្អ អនាម័យ និងបរិស្ថាន សន្តិសុខ សុវត្ថិភាព និងសណ្តាប់ធ្នាប់ ភាពពេញចិត្ត និងការចូលរួមសប្បាយរីករាយរបស់ភ្ញៀវទេសចរណ៍។ បើតាមសេចក្តីប្រកាសរបស់គណកម្មាធិការជាតិវាយតម្លៃទីក្រុងស្អាត ការផ្តល់ចំណាត់ថ្នាក់នេះ គឺយោងលើការបោះឆ្នោតពីសាធារណជនតាមរយៈគេហទំព័រផ្លូវការដែលមានឈ្មោះថា https://bestcountdowncity.cambodiacleancity.com។ ប៉ុន្តែអ្នកធ្វើការងារខាងទេសចរណ៍នៅក្រៅរដ្ឋាភិបាល លោក ម៉ម រិទ្ធី មិនយល់ស្របនឹងផ្តល់ចំណាត់ថ្នាក់នេះទេ។ តាមលោក ម៉ម រិទ្ធី ខេត្តបាត់ដំបងដែលនៅតែមានផ្លូវខូចជាច្រើន និងបរិស្ថានអ៊ួអាប់ តែបែរជាប់លេខ២ទៅវិញ។
ចុះផ្សាយនៅថ្ងៃ៖
ស្តាប់
