លោក គង់ សុភារៈ៖ សន្ទុះដើរកម្សាន្តទេសចរក្នុងស្រុកមិនថមថយខណៈចូលឆ្នាំចិនមានជាង១លាននាក់
រយៈពេល៣ថ្ងៃក្នុងឱកាសបុណ្យចូលឆ្នាំចិនគឺចាប់ពីថ្ងៃទី៩ ដល់ថ្ងៃទី១១ ខែកុម្ភៈ ឆ្នាំ២០២៤ ភ្ញៀវទេសចរក្នុងស្រុកដែលបានចេញដើរកម្សាន្តនៅទូទាំងប្រទេសកម្ពុជាមានចំនួនសរុប ១លាននាក់បន្តិចបន្តួច។ ក្នុងចំណោមទេសចរក្នុងស្រុកទាំងអស់នោះ ភ្ញៀវទេសចរជាតិមានចំនួនជាង៩៩០ ០០០នាក់ និងទេសចរបរទេសជិត ៦ម៉ឺននាក់។ នេះបើតាមរបាយការណ៍របស់ក្រសួងទេសចរណ៍នៅថ្ងៃទី១២ ខែកុម្ភៈ ឆ្នាំ២០២៤នេះ។ លោក គង់ សុភារៈ ប្រធាននាយកដ្ឋានស្ថិតិ និងព័ត៌មាននៃក្រសួងទេសចរណ៍បានប្រាប់វិទ្យុបារាំងអន្តរជាតិ RFI នៅថ្ងៃនេះដែរថានិន្នាការនៃការដើរកម្សាន្តរបស់ពលរដ្ឋខ្មែរនៅក្នុងស្រុកមិនមានការថមថយទេ នៅពេលមានព្រឹត្តិការណ៍ធំៗម្តងៗ ជាពិសេសចូលឆ្នាំចិន ហើយវាជួនគ្នានឹងថ្ងៃឈប់សម្រាកប្រចាំសប្តាហ៍ផងដែរ។
ចុះផ្សាយនៅថ្ងៃ៖
ស្តាប់ - ០២:៤៥