ស្លាប់យ៉ាងហោច៤៨នាក់ ក្នុងហេតុការណ៍ជំនន់ទឹកភ្លៀងដ៏ធ្ងន់មិនធ្លាប់មាន នៅភាគខាងលិចអាល្លឺម៉ង់
កាលពីយប់ថ្ងៃពុធ ឈានចូលថ្ងៃព្រសហ្បតិ៍ ប្រទេសអឺរ៉ុបខាងលិចមួយចំនួន បានរងនូវគ្រោះមហន្តរាយជំនន់ទឹកភ្លៀង ធ្លាក់យ៉ាងគំហុក។ នៅភាគខាងលិច ប្រទេសអាល្លឺម៉ង់ គឺជាតំបន់រងគ្រោះធ្ងន់ធ្ងរបំផុត ដោយយោងតាមតួលេខចុងក្រោយកាលពី ល្ងាចថ្ងៃព្រហស្បតិ៍ គឺមានមនុស្សស្លាប់យ៉ាងហោច ៤៨នាក់ ព្រមទាំងមានបាត់ខ្លួនរាប់សិបនាក់ទៀត។ វាគឺជាគ្រោះធម្មជាតិទឹកជំនន់ ដ៏កាចសាហាវបំផុត សម្រាប់ប្រទេសក្នុងតំបន់ភាគខាងលិចអឺរ៉ុប គិតត្រឹមរវាង២០ឆ្នាំចុងក្រោយនេះ។
ចុះផ្សាយនៅថ្ងៃ៖
ស្តាប់ - ០២:១៩
ក្នុងយប់ថ្ងៃពុធ ឈានចូលថ្ងៃព្រហស្បតិ៍ ទឹកភ្លៀងធ្លាក់ជោគជាំ បានធ្វើឲ្យជន់លិចតាមស្ទឹងតាមទន្លេ និងហូរបោកបំបាក់ដើមឈើ និងផ្ទះសម្បែងជាច្រើនខ្នង នៅភាគខាងលិចអឺរ៉ុប មានបារាំង អាល្លឺម៉ង់ លុចហ្សំបួរ ប៊ែលហ្ស៊ិក និងហូឡង់។
នៅប៊ែលហ្ស៊ិក មានស្លាប់យ៉ាងហោច ៦នាក់។ នៅក្រុងលីយ៉ែហ្ស ដែលជាទីក្រុងធំទី២របស់ប៊ែលហ្ស៊ិក អាជ្ញាធរបានជូនដំណឹង ឲ្យប្រជាជនដែលរស់នៅទាំងសងខាង នៃដងទន្លេ មើហ្ស (Meuse) ត្រូវភៀសខ្លួនទៅរកកន្លែងមានសុវត្ថិភាព។ អាជ្ញាធរហូឡង់ និងលុចហ្សំបួរ ក៏បានបញ្ជាក់ អំពីការខូចខាតយ៉ាងដំណំដែរ ដោយសារជំនន់ទឹកភ្លៀង។
Drone footage shows the extent of damage in western Germany after heavy rain triggered severe floods.
— Sky News (@SkyNews) July 15, 2021
Dozens of people are still missing.
Latest on this story here: https://t.co/tDlDebAN8h pic.twitter.com/dyW5i5TKne
ដោយឡែក តំបន់ដែនដី២ ស្ថិតនៅភាគខាងលិចអាល្លឺម៉ង់ បានរងគ្រោះធ្ងន់ធ្ងរបំផុត គឺតំបន់ Rhénanie-du-Nord-Westphalie និងតំបន់ Rhénanie-Palatinat។ យោងតាមការបូកសរុប របស់សមត្ថកិច្ចអាល្លឺម៉ង់ នៅរសៀលថ្ងៃព្រហស្បតិ៍ទី១៥កក្កដា មានមនុស្សស្លាប់ ប្រមាណជាង៤០នាក់។ ចំនួនមនុស្សស្លាប់អាចមានច្រើនជាងនេះ ដោយសារតែនៅមានអ្នកបាត់ខ្លួន ប្រមាណជា៥០ ទៅ ៦០នាក់ទៀត។ ជាមួយនឹងទឹកហូរគួចត្របាញ់ កាត់តាមភូមិ និងទីប្រជុំជន ក្រៅពីបណ្តាញដឹកជញ្ជូនផ្លូវថ្នល់ និងផ្លូវដែកត្រូវកាត់ផ្តាច់ ផ្ទះសម្បែងចំនួនប្រមាណ១៣៥០០០ខ្នង នៅភាគខាងលិចអាល្លឺម៉ង់ ពុំមានចរន្តអគ្គិសនីប្រើទេ។ អាជ្ញាធរអាល្លឺម៉ង់ បានបញ្ចេញកម្លាំងទាហានចំនួន៣០០នាក់ ដើម្បីជួយសង្គ្រោះប្រជាជន។
{{ scope.legend }}
© {{ scope.credits }}លោកស្រីអង់ហ្កេឡា មែរកិល ដែលកំពុងតែទស្សនកិច្ចនៅទីក្រុងវ៉ាស៊ីនតោន បានថ្លែងថាលោកស្រីមានការតក់ស្លុតជាខ្លាំង នៅពេលបានដឹងដំណឹង ព្រមទាំងបានឃើញរូបភាពទាំងឡាយ ស្តីពីគ្រោះមហន្តរាយជំនន់ទឹកភ្លៀងដ៏កម្រនេះ។
លោក Horst Seehofer រដ្ឋមន្ត្រីក្រសួងមហាផ្ទៃអាល្លឺម៉ង់ បានលើកឡើងថា គ្រោះមហន្តរាយជំនន់ទឹកភ្លៀង ដ៏ធ្ងន់ធ្ងរ និងលឿនរហ័សបំផុតនេះ វាបានស្តែងឲ្យឃើញអំពី ផលវិបាកនៃបម្រែបម្រួលអាកាសធាតុ។ លោក Armin Laschet ដែលតាមការរំពឹងទុក គឺអាចជាអ្នកឡើងមកបន្តតំណែង បន្ទាប់ពីលោកស្រីមែរកិលនោះ បានលើកឡើងថា វាគឺជារឿងចាំបាច់បំផុត ដែលត្រូវតែពន្លឿនវិធានការ ប្រយុទ្ធប្រឆាំងនឹងការកើនឡើងកំដៅផែនដី មិនថាក្នុងក្របខណ្ឌជាតិ អឺរ៉ុប ឬពិភពលោក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ